祺森冰室

营业中

休息中

喺网上面见到去坪洲一定要做嘅另一件事，就系去呢间餐厅食虾多士🦐。同金源冰室一样，餐厅地点离码头约十分钟路程，位置系其他出名嘅食店同商店附近，非常容易就揾到。我哋去果日系week day，去到大约一点，都有长长嘅人龙，证明呢间餐厅嘅虾多士算系喺坪洲比较有人气嘅一间茶餐厅☕️。我哋单点叫咗一个虾多士（$42）同一个西多士（$30）。虾多士外脆内软，虾肉略嫌少咗啲，味道算唔错。西多士味道亦都唔错，表面非常之香脆🍞。听人讲正常假期呢间餐厅都要排好长龙，如果咁啱唔使排长龙🐉，值得可以一试。