影片
更多
2017-09-24
3466 浏览
食蒸海鲜同成班朋友黎就最正，今晚再次黎到蒸气海鲜锅既始祖。几个月前朋友生日已经黎过一次，好食既野梗系要翻转头啦👏🏻～餐厅位于横街小路，门口右边玻璃贴满密密麻麻名人合照，睇落好似名人饭堂甘，有架势👨👩👧👦。一入门口眼见提供各式各样海鲜可供选择，全部都系海水缸养住，保持新鲜，信心保证👍🏻。首先食D小食先，叫左单骨鸡翼、凤爪、炸鱼腐。炸鱼腐尤其好食，香口食落略带烟韧。开始前大大既蒸炉有两层，最下面一层放粥底，上面一层放海鲜，蒸食材前会放左块荷叶系蒸炉内，一来可以隔沙，二来令食材带有荷叶香味，一举两得。😀🍴沙白蚬蚬每粒大小均匀，平时出街食蚬通常都要炒过先好味，但而家就甘清蒸已经好好食。肉嫩爽口、肉汁鲜甜，甚至相比煮蚬、炒蚬更鲜甜，值得一赞。🍴沙蚬沙蚬处理得非常干净，连丁点既沙都无，肉味浓，肉质更有咀嚼性。🦐虾 食落同白灼虾差唔多，但呢种蒸气食法相比灼虾更能保留虾味。🦀白蟹几年前系三门仔食过一次，估唔到隔左甘耐第二次食返。煮熟后个样同花蟹差唔多，但味道一D都唔失礼。白蟹肉质软滑幼嫩，食起来啖啖肉，味道甘香鲜甜。🐟白板平日系街市都算少见到既一种鱼，白板鱼熟后肉质较林似石斑，食落啖啖肉，可满足
餐厅位于横街小路，门口右边玻璃贴满密密麻麻名人合照，睇落好似名人饭堂甘，有架势👨👩👧👦。
一入门口眼见提供各式各样海鲜可供选择，全部都系海水缸养住，保持新鲜，信心保证👍🏻。
首先食D小食先，叫左单骨鸡翼、凤爪、炸鱼腐。炸鱼腐尤其好食，香口食落略带烟韧。
开始前大大既蒸炉有两层，最下面一层放粥底，上面一层放海鲜，蒸食材前会放左块荷叶系蒸炉内，一来可以隔沙，二来令食材带有荷叶香味，一举两得。😀
🍴沙白蚬
蚬每粒大小均匀，平时出街食蚬通常都要炒过先好味，但而家就甘清蒸已经好好食。肉嫩爽口、肉汁鲜甜，甚至相比煮蚬、炒蚬更鲜甜，值得一赞。
🍴沙蚬
沙蚬处理得非常干净，连丁点既沙都无，肉味浓，肉质更有咀嚼性。
🦐虾
食落同白灼虾差唔多，但呢种蒸气食法相比灼虾更能保留虾味。
🦀白蟹
几年前系三门仔食过一次，估唔到隔左甘耐第二次食返。煮熟后个样同花蟹差唔多，但味道一D都唔失礼。白蟹肉质软滑幼嫩，食起来啖啖肉，味道甘香鲜甜。
白蟹
29 浏览
0 赞好
0 留言
🐟白板
平日系街市都算少见到既一种鱼，白板鱼熟后肉质较林似石斑，食落啖啖肉，可满足鱼肉迷。
🍴扇贝
带子厚实弹牙，食落鲜味十足，而最重要系要饮埋个汤精华，鲜甜到不得之了！
扇贝
51 浏览
0 赞好
0 留言
🐂牛颈脊
事先腌好，蒸熟食起来肉质软腍嫩滑，肉汁得以锁住，牛味好浓郁，调味恰到好处。
🥒蔬菜类
食完一轮优质海鲜后，腊味饭已熟透食得了，但我开始有点饱所以只系食左少少。之后就到蔬菜为主既食物啦。
脆肉瓜、冬菇同样都好新鲜，另外冬菇上有墨鱼滑＋蟹子增加口感，墨鱼滑亦够哂弹牙。
🐔鸡面
面既食法有好多种，蒸既都真系几特别。面条质感软弹烟韧，而且吸收哂舖系上面既鸡汁及鸡油。重点系店家秘制既辣椒酱，加埋酱一齐食，提味又惹味。
简既食既都系时令海鲜，最可惜既系今晚无我最爱既濑尿虾，不过整体都好新鲜，满意。
饮品叫左洛神花、咸柠七各一壶，仲有天地一号。
🍹洛神花：酸中带微甜，食完甘多野醒胃消滞一流。
🍹咸柠七：味道好清新、清甜，忍唔住饮多几杯。
到最后压轴登场，登登登登～吸收哂所有食材精华熬成既粥底✨，入口微滑，绵密既口感，将所有海鲜精华锁哂系入面，原汁原味，鲜味十足，明明已经甘饱都忍唔住食左3碗。
海鲜粥
41 浏览
0 赞好
0 留言
食海鲜最重要就系新鲜、干净，呢度绝对做到，所以简单反而已非常好食，而且服务员热情招呼，满足的一晚。
张贴
