家嫂

营业中

休息中

叫左个咖哩吉列猪扒饭, 上菜之后冇比到咖哩汁, 我就问个侍应呀姐, 佢话冇跟咖哩汁, 得沙律酱...我以为我自己睇错餐牌, 睇返个餐牌, 明明有写, 我落单时都系叫咖哩吉列猪扒饭... 呀姐又冇同我讲冇咖哩汁.我问佢, 干争争点食? 佢话啲猪扒腌左, 有味的.. 跟住我问佢厨房有冇其他汁, 佢一口就话冇, 我话连豉油都冇?? 佢都话冇... 之后佢就行开左...我就信佢猪扒腌左, 有味的.... 试下食左啖，真系顶唔顺, 干争争又冇味，再叫返佢过嚟，我见餐牌有粟米龙趸饭，就问佢有冇粟米汁，佢又话唔得/唔同做法/拎唔到之类...最后叫我转食米线, 就收晒我D 野倒左佢....其实我都唔想浪费食物, 佢求其拎D豉油比我, 我都会照食... 我唔明点解佢情愿倒左佢, 都唔肯去厨房睇下...估唔到今时今日起香港食餐正常饭都咁难...