南小館 (青衣城2) (已結業)

第一次写食评，不吐不快。 真系好差。入坐安排离谱，我地8个人去，一开始门口攞飞按8位，一直在门口等位，中间无任何更改人数要求，但入坐时只系安排6个位。系3张2人枱，一面有3张櫈，另一边系贴墙长櫈，负责带位个职员系想5个人都坐系长櫈个边? 若然我地系7个人，好勉强都坐到，但8个人根本无可能坐到。明明攞位一直系攞8位，唔系攞6位之后要佢转8位。个带位可以觉得无问题。因为真系唔知可以点坐，只有再同带位讲。 只系为左正常每个人有个位坐，已经要多番争取。等左咁耐位，转食第二间又要再等，受气都照食。之后当然后悔，食物、服务同样觉得差。之前试过几次食其他分店的南小馆，入坐、食物、服务、全部都觉得正常。但今次真系好差，都有可能系因为入坐安排离谱，心情唔好，所以觉得食物唔好食。服务差都可能系因为待应太忙，佢地唔知系个带位搞错，净系见到我地同个带位理论，个带位又表现得完全唔觉得自己有错，待应误会我地等位等得耐就大吵大闹，所以对我地特别冷淡。但8个人俾6个位呢样野真系无excuse，系完完全全个带位职员有过失。重来无试过或者听过咁离谱架事。我地作为食客，因为餐厅职员鲁莽过失而受气，我觉得对食客唔公平。