影片
更多
2021-08-22
80 浏览
本身见到间嘢咁多人排队，以为会有啲惊喜，点知食到成肚火，仲要唔好食。先不论啲食物味道淡到冇得再淡，有个职员嘅服务态度差到简直无得再差。首先，叫飞嘅时候，完全无睇到啲嘢齐唔齐就怼个餐盘比我都算，我同个职员讲啲嘢未齐，佢仲要碑返我转头，声大夹恶咁问我漏乜。请问，跟单唔系应该系职员嘅职责咩，个客无闹人都算系咁，仲要掉返转头闹返个客？好，我都尝试理解佢唔够人嘅状况，但好心啦，你忙就揾多啲人手返黎，而唔系情绪失控咁系度闹个客。其次，我取餐嘅时候双手都攞住嘢，而佢系都要格硬将个餐盘塞过来，我已经同佢讲我无手住，麻烦等一阵，果个职员再恶多我一句「你唔识将你嘢摆好先？」好似撞咗聋咁。呢度要留意一点，佢塞个餐盆比我嘅时候，张出餐嘅bar台系有位比佢放一放低个餐盆的。咁我又想问啦系咪真系咁忙，忙到冇咗应有嘅服务态度？叫果位职员冷静啲好似我问候咗佢祖宗十八代咁起势系度闹我，直至我转身离开佢个counter，系呢度有个建议比个位职员，如果你觉得自己好大压力，顶唔顺嘅，你咪quit咗去啰，无人逼你，记得顺便去睇下心理医生，睇下佢哋可以点帮到你。最后返到去食物嘅质素度，啲面淡到接近无味，食咗两啖已经冇食欲，杯珍珠
首先，叫飞嘅时候，完全无睇到啲嘢齐唔齐就怼个餐盘比我都算，我同个职员讲啲嘢未齐，佢仲要碑返我转头，声大夹恶咁问我漏乜。
请问，跟单唔系应该系职员嘅职责咩，个客无闹人都算系咁，仲要掉返转头闹返个客？好，我都尝试理解佢唔够人嘅状况，但好心啦，你忙就揾多啲人手返黎，而唔系情绪失控咁系度闹个客。
其次，我取餐嘅时候双手都攞住嘢，而佢系都要格硬将个餐盘塞过来，我已经同佢讲我无手住，麻烦等一阵，果个职员再恶多我一句「你唔识将你嘢摆好先？」好似撞咗聋咁。呢度要留意一点，佢塞个餐盆比我嘅时候，张出餐嘅bar台系有位比佢放一放低个餐盆的。咁我又想问啦系咪真系咁忙，忙到冇咗应有嘅服务态度？叫果位职员冷静啲好似我问候咗佢祖宗十八代咁起势系度闹我，直至我转身离开佢个counter，系呢度有个建议比个位职员，如果你觉得自己好大压力，顶唔顺嘅，你咪quit咗去啰，无人逼你，记得顺便去睇下心理医生，睇下佢哋可以点帮到你。
最后返到去食物嘅质素度，啲面淡到接近无味，食咗两啖已经冇食欲，杯珍珠奶茶又唔比叫微糖，呢个我都理解，进而嗌咗少糖，但一饮就出晒事，甜到好似食咗成包糖咁。
一句讲晒，无下次，亦都唔会推荐身边朋友过来食，系咁先。
张贴