金城粥麵 (已搬遷) 新店位置

离开堂记, 好无瘾咁行, 净系想食肠粉, 咁有咩好食, 忽然师傅醒起呢间食店都话肠粉好得架㖞, 于是就同好友食家"乜都放入窿"入去试一试啦!入到去都算多人, 不过两兜友好易有位啫; 一坐底就睇下有咩好食, 先叫左两碟肠粉, 有鱼片肠粉同猪膶肠粉, 由于师傅从未试过呢度嘅肠粉所以都几期待! 但由于试过呢度嘅云吞面, 所以都特意柯打番碗, 等好友食家"乜都放入窿"可以一试!等左一阵就有得食, 先试下猪膶肠粉, 猪膶又老又鞋, 一d都唔爽口, 仲有带少少苦, 而肠粉又厚身, 口感其差, 失败; 而鱼片肠粉嘅鱼片有骨, 加上几腥, 一d都唔好味; 至于碗云吞面反而维持水准, 云吞面一碗有五粒, 云吞唔算大粒但皮够薄个馅都可以, 好细只虾仔不过就好爽口, 而面好爽口弹牙, 烟烟韧韧好有口感, 系有少少碱水, 汤底够清味精唔算重, 得㖞!最后唔信邪再柯打多一碟炸两, 炸两嘅油炸鬼又硬又韧, 好明显系隔左几晚, 加上肠粉本身好差, 所以成碟炸两堪称全枱最差, 失败中嘅失败!总括而言呢间食店质素真系唔算得, 除左云吞面可以外, 师傅大胆讲句其余𠮶d系垃圾, 服务一般, 环境一般, 埋单几多钱就唔记得左