影片
更多
2022-12-10
330 浏览
之前都有食过其他分店嘅棋哥，无可否认佢嘅烧鹅系做得出色嘅，但经过今次天后分店嘅世界级体验，绝对有理由相信我以前真系食开屎。。🤮👎🏿👎🏿👎🏿今日同朋友食饭，一开头叫左两碟乳猪烧鹅双拼饭，女侍应好快手就帮我地落左单。其后我再睇多次餐牌发现原来叫单拼乳猪饭，同单拼烧鹅饭，相比叫两碟双拼饭平足30蚊，咁我就问女侍应有无得改单啦，咁佢亦都好快手就改左张单。有趣嘅地方嚟啦，佢帮我改完单后，走左去同厨房大大声咁讲：「呢枱要转一鹅一猪呀，其实我都唔想架，单都出埋，系个客要改咋！」(exact quote) 。大佬呀，我坐隔离㗎咋，以你咁雄伟嘅声量咪以为我听唔到。我由头到尾都无逼你帮我改，我亦都无用仼何无理嘅态度请求你帮我改单，你一句话唔好意思呀出左单无得改，其实我绝对无问题，但你而家摆明俾说话个客听，你咁嘅服务态度就真系好有问题！好啦两碟饭准备好，侍应一野用轰落黎嘅形式送上我张枱，fine，街边餐厅就当你个价钱唔包service。但望下碟乳猪饭，你究竟俾啲乜X野我地食，全碟11小块，大小参差不一，每块厚度保持平均半毫米厚度，一丝肉都无，全部都系脂肪连皮。烧鹅都尚算正常。不过饭同肉都冻嘅。同我以前食嘅水
今日同朋友食饭，一开头叫左两碟乳猪烧鹅双拼饭，女侍应好快手就帮我地落左单。
其后我再睇多次餐牌发现原来叫单拼乳猪饭，同单拼烧鹅饭，相比叫两碟双拼饭平足30蚊，咁我就问女侍应有无得改单啦，咁佢亦都好快手就改左张单。
有趣嘅地方嚟啦，佢帮我改完单后，走左去同厨房大大声咁讲：「呢枱要转一鹅一猪呀，其实我都唔想架，单都出埋，系个客要改咋！」(exact quote) 。大佬呀，我坐隔离㗎咋，以你咁雄伟嘅声量咪以为我听唔到。我由头到尾都无逼你帮我改，我亦都无用仼何无理嘅态度请求你帮我改单，你一句话唔好意思呀出左单无得改，其实我绝对无问题，但你而家摆明俾说话个客听，你咁嘅服务态度就真系好有问题！
好啦两碟饭准备好，侍应一野用轰落黎嘅形式送上我张枱，fine，街边餐厅就当你个价钱唔包service。但望下碟乳猪饭，你究竟俾啲乜X野我地食，全碟11小块，大小参差不一，每块厚度保持平均半毫米厚度，一丝肉都无，全部都系脂肪连皮。烧鹅都尚算正常。不过饭同肉都冻嘅。同我以前食嘅水准差起码廿条街，请问系咪有心玩野？大家可以喺图片到欣赏下佢著名嘅乳猪。
食到成肚气睇番openrice啲相，根本无人碟乳猪会系咁嘅样，不过批评服务态度嘅评语就多不胜数。如果贵公司谂住意见接受 (或者唔接受) 态度依旧，咁我就真系祝你地好运。
0.01mm 薄切乳猪皮
$70
23 浏览
0 赞好
0 留言
短过脚指尾切剩猪皮
$70
44 浏览
0 赞好
0 留言
张贴
