影片
更多
2024-10-09
2358 浏览
真心伏！贵放题，但食物质素差！唔值$448 加一，差唔多$500人头，有更多好的选择！呢一间系朋友介绍，佢好耐之前食过话好味！唔知系咪之前质素好，依家退步晒？！总之我第一次食，觉得好唔掂！鸡煲好似只食骨同皮，全部仲要细细粒（如图）😅想揾旧肉都难。谂住打边炉会好d , 佢个海鲜拼盘「蚬 」明显食得出有沙嘅-.-而肉类，只有一种牛同一种猪，款式超级单一，职员话只有猪牛各一！ 仲要冇鱼蛋、丸、云吞呢啲基本嘢order！！！估唔到连咁基本嘅嘢都满足唔到😹睇嚟呢间嘢真系咩都计住计住。如果你谂住打边炉狂食唔同牛嘅话，一定会好失望，因为食嚟食去都系呢一款肥牛，仲要真系好肥，剩系得肥膏（如图），叫咗两次两次都系咁肥，冇咩胃口了，猪直头无叫，唔知好唔好食～海鲜一般无特别。熟食小食款式好多，都唔错，鳗鱼/虾多士ok~刺身系正常OK ， 但无得encore ， 所以成件事觉得好唔值！🫤睇嚟佢好惊蚀本，连刺身都要咁悭，得1 转，唔俾refill😂我见隔篱枱有海胆，佢话五个人以上先有海胆🥵🥵🥵打电话约嘅时候，话咩都有🙄甜品：佢连普通雪糕🍦都无，得雪条。味道仲要好特别，榴梿/杂果/黑糯米😅真系唔系人人啱食。饮品叫
呢一间系朋友介绍，佢好耐之前食过话好味！唔知系咪之前质素好，依家退步晒？！总之我第一次食，觉得好唔掂！鸡煲好似只食骨同皮，全部仲要细细粒（如图）😅想揾旧肉都难。
谂住打边炉会好d , 佢个海鲜拼盘「蚬 」明显食得出有沙嘅-.-而肉类，只有一种牛同一种猪，款式超级单一，职员话只有猪牛各一！ 仲要冇鱼蛋、丸、云吞呢啲基本嘢order！！！估唔到连咁基本嘅嘢都满足唔到😹睇嚟呢间嘢真系咩都计住计住。
如果你谂住打边炉狂食唔同牛嘅话，一定会好失望，因为食嚟食去都系呢一款肥牛，仲要真系好肥，剩系得肥膏（如图），叫咗两次两次都系咁肥，冇咩胃口了，猪直头无叫，唔知好唔好食～海鲜一般无特别。
熟食小食款式好多，都唔错，鳗鱼/虾多士ok~
刺身系正常OK ， 但无得encore ， 所以成件事觉得好唔值！🫤睇嚟佢好惊蚀本，连刺身都要咁悭，得1 转，唔俾refill😂我见隔篱枱有海胆，佢话五个人以上先有海胆🥵🥵🥵打电话约嘅时候，话咩都有🙄
甜品：佢连普通雪糕🍦都无，得雪条。味道仲要好特别，榴梿/杂果/黑糯米😅真系唔系人人啱食。
饮品叫有啲诚意，有手摇，手打柠檬茶𠮶啲，唔系净系纸包饮品，有红酒/白酒车行嚟行去，可以叫佢倒杯酒比你。
估唔到食放题竟然系食熟食+几片刺身😂
其实唔系好知自己食咗啲咩，总之一定冇下次。。。
冇全部食物都影相，因为隔篱枱啲人饮醉酒咁劲嘈，好大声，嘈到好似酒吧；唔想影相，只想快啲食完走😅绝对不会推介俾朋友嚟！
张贴
