雄 聚一堂 (已結業)

外賣叫左2盒野返屋企食，嗌肥叉燒肉飯，自動升級做VIP叉燒加$10，可能肥叉即係vip啦 ，佢又無講明出左單就照俾錢，好食就得，盒飯$72 返到去打開又無黃芥辣 叉燒又係瘦，燒味飯呢個價錢可以好多更好選擇，老婆叫個油雞燒肉瀨，好似$62蚊，個湯已經好咸下，仲要俾晒雞翼尖雞背雞骨雞下欄我點食，叫凍檸茶+3蚊但可以唔放冰，食到一半仲見有蚊子送，做外賣咁求其，如果堂食一定俾人X左啦，真係唔明咁既價錢咁既質素，點解係九龍城區仲可以生存到？