雄 聚一堂 (已結業)

服務態度極之差 客戶一入門口，員工只顧聊天 偷懶 不安排座位客戶叫vip叉燒 但最後上普通叉燒解釋是因為打錯單就算了 本身是因為朋友介紹以為有驚喜 殊不知令我極度失望哪客戶為什麼要開車去吃普通叉燒呢普通叉燒都算 為何要敷衍別人？根本就是浪費時間 不用去試了 非常失望員工只招呼朋友 那就不要對外開放 如果招待朋友就開私房菜 差別待遇。不用心對待客戶 真係非常之嘥氣相信好快執笠 唔好嘥晒啲時間 山長水遠食個普通叉燒飯，普通叉燒都比他好 俾啲碎叉燒 垃圾都不如

我哋嚟過呢間餐廳幾次，每次水準都相當一字，脆皮燒肉每一次都係非常鬆脆，啲肉唔會太肥，剛剛好，而且仲非常闊綽大方，每次都有十幾舊，好難得仲要舊舊都靚仔，四四方方。比起某一啲好出名排晒長龍但名不符實嘅餐廳，呢間真係好好，每次我哋經過九龍城做嘢，都一定會把握機會幫襯呢間餐廳。之前食過佢哋嘅叉燒，特登叫瘦叉燒，都唔會話因為係瘦叉燒就又乾又差，仲仲好香添，買少見少嘅良心質素餐廳！一定要支持！希望佢哋可以繼續保持呢個水準，加油！

外賣叫左2盒野返屋企食，嗌肥叉燒肉飯，自動升級做VIP叉燒加$10，可能肥叉即係vip啦 ，佢又無講明出左單就照俾錢，好食就得，盒飯$72 返到去打開又無黃芥辣 叉燒又係瘦，燒味飯呢個價錢可以好多更好選擇，老婆叫個油雞燒肉瀨，好似$62蚊，個湯已經好咸下，仲要俾晒雞翼尖雞背雞骨雞下欄我點食，叫凍檸茶+3蚊但可以唔放冰，食到一半仲見有蚊子送，做外賣咁求其，如果堂食一定俾人X左啦，真係唔明咁既價錢咁既質素，點解係九龍城區仲可以生存到？

最近聽朋友講喺九龍城有間好好味嘅燒味，話啲叉燒又稔又香，好好味，所以今日特登去試下。😚😍啱啱係下午茶時間，所以就食左個好抵食嘅下午茶喇。叫左一個叉燒米粉餐同埋一個燒鴨米粉餐，連飲品或例湯都係43蚊。👍👍個例湯好足料，係冬瓜薏米綠豆瘦肉湯，好好味。😋😋燒味方面，D义燒又香又稔，味道適中，份量十足🥰燒鴨好好肉，雖是下午茶，竟然係上脾加胸肉，D肉好多汁，D皮仲好脆，仲有碟酸梅醬汁，好和味😋😋聽講仲有隻特级v义仲好味，下次试下先。🤩

話說今日行過叫左個四寶飯外賣，咁個四寶飯就有燒鵝、叉燒、燻蹄、咸蛋我見佢差唔多搞掂 咪話跟2包話梅醬唔該，咁又見佢有一兜兜既薑蓉，咪話要一兜，個姐姐竟然同我講話：嘩，你要咁多呀？加上D眼神係好質疑咁，我就馬上話：咁係咪要收錢？我補返錢啦 ，跟住姐姐話：唉 新年由佢啦……我真係多謝你啊

平生第一次寫評價，真係火到黎埋…一個雙拼飯講緊58蚊，俾曬全部下攔，骨頭，更離譜既係D飯係濕到食唔落口果只，可能係飯底，人哋40蚊的燒味飯都贏個呢間，唔知佢有咩特別賣甘貴

呢間九龍城燒味店算係幾高質！叉燒 油雞 燒鴨都好正，用梅頭做叉燒令啲肉食喺好軟冧而旦佢哋嘅VIP 叉燒都幾出名，即係肥叉。燒鴨同油雞都好嫩滑，之前食過燒肉個皮係超級脆，不過食得多都有少少膩通常都係飲凍檸茶中和返或者嗌少飯就唔驚食唔晒！食燒味飯配返杯凍檸茶或者例湯就係一個完美嘅港式中午飯啦燒鴨油雞飯（＄58)叉燒油雞飯 (＄58)跟例湯 Free涷檸茶+＄3快啲like 同 share同朋友一齊去啦！九龍城福佬村道5-9號地下D鋪

呢間舖嘅VIP叉燒（$208）；瘦叉（$158）話說我今日去買一斤半肥瘦叉燒！點知收銀話$3xx我話我只係要一斤「半肥瘦叉燒」點解要$3xx咁貴呢？細問之下，原來所謂嘅VIP叉燒就係半肥瘦叉燒，成$400一盒叉燒，我真係食唔起！而就堅持話我要一斤半肥瘦叉燒，所以咪要咁嘅價錢囉！職員：我地呢度大把人會買$400叉燒喎！其實呢間食肆嘅餐牌真係要寫清楚！中伏

原本叫燒鵝髀飯，問呀姐vip 餐有冇，佢話有轉頭又話冇。（半咸淡廣東話）於是叫燒鵝拼燒腩仔飯，呀姐話冇三併，我講幾次佢都話三樣嘢，問佢點樣三樣又唔識講。 講左成五分鐘先落到單。

之前一直有留意呢間燒味店，剛好係附近工作完就行去呢間小店試試。可惜當日可能已經有點晏，最想試的叉燒和燒鵝已經賣哂，所以就叫咗油雞薰蹄，而男朋友就叫咗涼瓜牛肉炒米。油雞薰蹄飯，份量好多，一個人真的吃不完。油雞嫩滑、色澤油潤，而薰蹄口感層次分明，再加上燒味汁，好惹味呢個炒米粉男朋友大讚，有鑊氣之餘而唔會太油，唔會食完之後成個碟都係油；份量亦都係好多，牛肉醃得好入味，米粉煎得脆口，合哂味道~

今日經過買外賣，外賣半隻燒鴨 ($89)，兩個下午茶餐 - 燒鴨米粉加白切雞拼岀前一丁 (各$36)，先講食物質素素，烤鴨乾身無咩肉汁豉油勁鹹，白切雞亦不見得滑溜.. 所謂嘅岀前一打，麵質勁硬未煮透。最激氣係一check單，發覺呵姐收左我地外賣盒一共14蚊，除左麵湯分開要加$1有講到，另外再細問之下，發現除左收多左我8蚊之外，原來除左外賣盒之外，外賣杯都另外收左錢... 真係聞所未聞..... 好彩有check單姐，如果唔係無啦比人收多左錢都唔知，真係無下次!

平時好少經過九龍城，咁啱約左家人去樂富拜山，就順道去九龍城搵食，我的男人好有要求，每次揀餐廳就如揀老婆一樣，不過黎黎去去都係食嗰幾味，終於兜左幾個圈，就揀左依間新新淨淨的燒味店。 VIP叉燒燒鵝飯叉燒唔夠蜜汁，食得出係用梅頭夠晒淋，如果燒得燶邊仲更加好食，燒鵝都整得好夠味，皮香脆肉夠嫩，下次可以再食。 燒肉分蹄飯燒肉皮夠香脆夠入味，分蹄即係豬手都好入味，點埋酸汁黎食夠晒開胃，如果佢個兩條菜熱返啲就好啦，凍冰冰唔好食。

腦閉塞好幾天點都挑不起寫食文的意念，這篇文章便是國慶當日四方混戰中在靜靜的九龍城區默默發生、沒法想到九龍城區這個平民天地竟然都可以沒有交通工具往返，在無助之下差不多經歷三小時的轉折才能回到家中。。。這間燒臘舖已不只是第一次幫襯, 今次同樣地由於要辦事路過、所以沒有他求便簡單地揀上一個下午茶，成為HK$36~燒鴨瀨粉加熱奶茶，燒鴨肉質眼看偏乾但吃在口中又是另一番感覺稔而不覺嚡，至於瀨粉不知是否因下午茶時段(賣正蔗)自己就覺得太過碎濕濕、配上一杯簡單風味茶記熱奶茶, HK$36.絶對在混戰中的好速食。

今日又係帶阿女返學喺附近搵食，喺呢條街都食過唔少店舖，依家出邊掛晒燒味嘅餐廳成日都經過，但係因為驚阿女唔啱食所以冇立即衝動去試吓！不過今日見到佢櫥窗上面嘅叉燒油雞好新鮮，忍唔住入去試吓！餐廳地方細細，但係他們嘅員工都冇嫌棄我同一個小朋友你食，我哋都係只係食咗一碗麵！燒鴨瀨粉！當然燒鴨就由我一個人包晒啦！燒鴨好味，皮脆肉嫩，唔會咬一啖啲鴨油走晒出嚟特別香！瀬粉， 因為小朋友未試過所以叫碗嚟食，其實出邊好多餐廳都冇得食了！這個粉口感幾好，我覺得對我來說只係個湯清淡左一點， 小朋友就啱啱好！特別為親子為主題設加分（五個👧🏻為滿分）店鋪對親子歡迎程度：👧🏻👧🏻👧🏻有小朋友最喜愛嘅卡位：半卡位親子設施：小朋友餐具：合適小朋友食物：👧🏻👧🏻衛生情況：👧🏻👧🏻👧🏻👧🏻

昨晚是我和朋友一年一度的聚會。經朋友介紹，我們來到福佬村道的中式燒味店，雄·聚一堂用膳。這是一間兩層高的餐廳，環境和衛生也不錯，樓上有間VIP房，可供約12人聚會。當晩，我們點了以下菜式：VIP叉燒、燒鵝、燒汁炒薯角牛柳粒、雜菜粉絲煲、西洋菜湯和生炒糯米飯。我覺得雄·聚一堂不論是選料或烹調都達到高水平，甚至比連鎖式燒味店或同區的中式餐廳有過之而無不及；加上價錢合理；實在值得一再光顧。我特別喜歡VIP叉燒，可能是店舖自己燒的緣故，相當美味，令人回味無窮。