爵林米線廚房

营业中

休息中

买咗晚市姜葱鸡同蒸鲈鱼饭鸡得4，5件头头尾尾，血水都算，咬落去系柴皮咁又冻。蒸鲈鱼得3分1条都算，过分系无洗干净，入边绿色，条鱼又梅又有怪味。食咗一旧鸡，几啖鱼同饭之后真系顶唔顺了。拎返落去同佢讲，叫佢退钱，话食过唔可以退钱，企硬一定要等佢再蒸过，饿到死仲迫客等佢，无其他选择，个店员态度差到飞起，不断重复无问题㗎你咪投诉啰，亦唔认啲食物有问题。其实帮衬过几次，都系想佢地接受意见，估唔到街坊生意都系咁，疫情前唔系呢个名，入面啲姐姐好好人，仲试过送鸡翼俾我，又会叫我坐低等唔使咁辛苦。而家，唔会再帮衬。呢餐$128，最后当捐钱，当投诉过程对其他食客做成不便补偿返。