鋾鋾星林居

营业中

休息中

几年前去食过，觉得呢间嘢嘅米线好好味，个汤底味道酸酸辣辣好开胃所以今次都抱住期待心情再食呢个米线。谂住而家热辣辣就叫凉拌米线啦我就叫咗一碗猪肚凉拌米线，朋友就叫左猪软骨油麦菜牛筋丸凉抹一上菜都知中伏! 首先，除咗芫茜我乜都睇唔到！啲米线好深色，可以一啲味都冇！连啲猪肚都可以系白烚！一啲味都冇畀张纸我拣酸同辣度有作用咩？！从来未食过一碗米线可以乜味都冇！我朋友叫咗个碗猪软骨一样系冇味！猪软骨冇味之余仲有阵猪苏味🥲碟菜都系白烚！又系冇味！好x嘢呀真系! 个厨师系咪味觉有问题？好啦。。问佢拎个蚝油啦嚟𠮶个阿叔好冷淡咁答咗一句：冇蚝油㖞！得豉油咋㖞！好似周星驰𠮶句对白咁：冇bb油，得白花油。。。我自问咁大个人第一次食米线可以完全冇味要加豉油去食。。喺尖沙咀呢个美食天堂，突然间觉得自己好惨！仲要叫咗两只卤水蛋个伙记竟然冇帮我落！之后同个收银互相推卸责任！呢一间系乜鬼嘢烂舖头！？本来一间香港人心目中都觉得好食嘅米线，到我今日再食，我终于明白点解而家香港人都唔愿意再喺香港消费。。食物味道差！服务质素又差！呢一餐简直浪费我肚嘅空间！一世都唔会再帮衬！再见！