韓樂 (TKO Gateway西翼)

营业中

休息中

真是不吐不快，我虽然未食过呢间餐厅嘅食物，但已经被佢地啲垃圾员工激到一肚火，事源今朝10:30嚟到食早餐，女友同门口员工话两位，员工语带不耐烦话:自己揾啦！咁我地咪自己揾啰，入到去坐左一张未执枱嘅枱，因为我地比较赶时间，11点走(其实食个港式早餐想半小时完成，我相信不过分)所以睇左一至两分钟就拣啱嗌人嚟写嘢顺便执枱，嗌足三分钟，企喺度挥哂手都冇人理，执枱嘅执枱，门口嘅继续喺门口，水吧就喺水吧吹水，最终见到个不停同客人落单嘅员工，我挥手示意，佢就叫我等等，嚟到极晦气落单，在我枱面嘅嘢亦无执走，之后等左10分钟，一啲嘢都冇嚟，我知道喺假期对一个唔够员工，员工又hea做，楼面又会将一个餐一分钟内分开饮品，面包，通粉三次上嘅餐厅，等10分钟系十分钟系唔够耐性，但我睇到其他早过我嚟嘅食客都未有得食嘅情况下，我唯有拂袖离开，本想同店员讲声赶时间取消单，但又冇人理，忙有忙，hea有hea吹水，谷鬼气撇😡，过隔壁食粥，3分钟嚟齐，更显出呢间嘢更垃圾。其实今日我睇到呢间嘢食物卖相几好，都想一试，不过唔系而家，一系改下制度，一系炒哂啲垃圾伙计，希望你们快改善，有机会我会嚟帮衬。