一樂燒鵝

营业中

休息中

$50个烧鹅饭，得一旧手指公咁大旧嘅肉，个师傅竟然可以抽出一只烧鹅最无肉嘅地方，放晒落我个一碟饭上面。难得！我同姐姐反映，（我语气平和，同姐姐讲，「姐姐点解我碟饭得一够旧肉」）佢望都唔望，就同我讲，咪有肉啰，下次叫烧鹅髀，或者烧鹅胸饭咪多啲肉啰。咁你叫得烧鹅饭，我梗系以为都会有肉㗎啦，最后我食咗唯一一旧肉，爬咗一啖饭，好唔愤气摆低$50就走咗。其实讲真，我唔期望俾$50 ，会有只烧鹅髀俾我，只不过得一旧肉，𠮶个感觉真系好差。我亦都唔系要佢返俾返旧肉我，不过希望，希望想食烧鹅肉嘅朋友，可以谂真啲先帮衬。除非你钟意食烧鹅皮，肥膏和骨头。