School Food (已結業)

好耐之前，当schoolfood啱啱开时，去食过一次，发觉不外如是，唔明点解咁多人排队食时隔咁耐，今星期四约咗朋友喺moko食饭周围都要等位，得schoolfood有位心谂：算，俾多次机会你点知都系中伏1. 食物份量少得可怜，嗌咗个拉丝猪肋骨，啲芝士系有啲拉丝嘅，但食落系无芝士味，唔讲以为食紧橡胶；猪肋骨切开得四条，一条得手指左右长度，因为猪肋骨得4条，上碟太少，唔靓仔，仲被佢谂到喺下面摄几旧薯角仔去垫底，个concept同啲女人装假狗简直有异曲同工之妙。我地嗌咗个唔知咩泡菜豆腐锅，个锅上到嚟，我地成枱人都呆咗，个所谓嘅锅同饭碗差唔多大，咁样都可以叫做锅？2. 食物唔干净，食完我足足疴咗两日3. 员工服务差，虽然我地叫咗嘢饮，但佢杯热饮得包盒装维他奶咁多左右嘅份量（咁都要$2x），同侍应讲要杯水啦，第一个答咗句「转头俾你」之后就头也不回咁去咗第二度；再问第二个、第三个，又系同样答覆；第四个，终于俾啦，明明我地有4个人，就俾3杯水，话转头俾埋浄低个杯，转头又唔知去咗边；又要再问，前后足足问咗五次，先搞掂，有冇搞错！