有囍 (已結業)

以呢区黎讲，价钱唔算平，亦唔算贵。不过，呢个价钱，我无谂过食啲咁嘅垃圾。所谓嘅辣子虾其实系避风塘虾。水煮鱼腩难食又多骨。收我一旧水嘅海鲜炒饭淡味到要捞炸蒜食。冻柠茶少冰变左无冰。店员对自己餐牌上面嘅野一啲都唔熟悉。两个人食嘅咁嘅质素嘅野竟然要5旧几水埋单坚系大伏！好耐都未试过食到成肚火，亦系第一次嬲到要上黎写臭佢！之前黎食嘅时候仲系以星马菜式为主，价钱亦系咁上下，但好食好多。而家一转中菜... 我唔知平时多唔多人食，不过今日比起其他舖头都少客。总之，唔会再帮衬