食鮮

营业中

休息中

自己本身好钟意食牛什，行过几次见到佢有个牛杂煲卖230几蚊，又标签系该店嘅招牌3宝之外，一直都想揾机会试。今日机会终于黎喇，抱住期待嘅心情去买呢个牛什煲，首先230蚊嘅份量系得一碗，都唔紧要，可能好好味呢，拎对筷子撩几下，啲所谓牛什好似厨余咁，湿湿碎碎。揾下我最钟意食嘅牛肺同牛膀先，揾黎揾去都揾唔到，牛什煲竟然无牛肺同牛膀😭。成碗野入面得啲硬晒柴嘅牛柏叶，苦同硬嘅牛肠，一两旧碎湿湿嘅牛筋，一啲碎湿湿嘅牛腩，牛肚同牛舌。吖，仲有粒牛丸，真系9唔搭8。所有野都好硬柴，似煮过好耐，又或是翻煮再翻煮。味道方面，啲料完全唔入味。好彩佢另外有俾个辣酱，呢个辣酱反而味道不错，似食街边速鱼蛋果啲辣汁。一句讲晒，呢间野无下次。