影片
更多
2011-02-15
28 浏览
依晚无事忙，老婆又要上英文班，得一支公，所以揾咗住晌同区嘅老友阿志同佢老婆C小姐一齐食餐晚饭，地点佢哋拣，最后决定去左曼克顿山下面嘅又一间，唔好睇佢装修格局成间西餐厅咁，佢自称为餐室-Cafe，一室简约得哩几型格，白色砖墙，衬细细格黑地砖，再配红色梳化椅，但系，佢买嘅嘢又唔净系西式菜，晚市套餐，有分中式西式$49-$88，配餐汤或沙律，加杯啡茶；有个晚餐叫家常便饭$58-$68，小炒配老火汤、白饭、餐饮；仲见有个招牌海南鸡饭$55，同埋一啲和风特餐$78……，所以，算得上系间型格「茶餐厅」。酸忌廉牛柳烩意粉 $58小弟拣咗西式晚市套餐，要沙律，饮奶茶。个沙律睇落几有诚意，唔系就咁一「pat」杂果沙律，几款沙律菜，再垫上蜜桃、红腰豆、车厘茄，味道几清新。酸忌廉牛柳烩意粉，卖相普通，好似平时茶餐厅叫𠮶碟干牛意咁，因为系烩意粉，所以无话油淋淋。味道都属于一般，因为酸忌廉味唔突出，牛柳丝有丁点韧，唯一可取系烩意粉做到恰到好处，无过腍情况。奶茶，可能系错觉，都系茶餐厅好饮啲！滑蛋虾仁炒河 $58C小姐要中式晚市套餐，要西汤，饮华田。中饭西汤，无所谓，至紧要系啱自己心水。罗宋汤，虽然汤料唔多，但味
酸忌廉牛柳烩意粉 $58小弟拣咗西式晚市套餐，要沙律，饮奶茶。个沙律睇落几有诚意，唔系就咁一「pat」杂果沙律，几款沙律菜，再垫上蜜桃、红腰豆、车厘茄，味道几清新。
酸忌廉牛柳烩意粉，卖相普通，好似平时茶餐厅叫𠮶碟干牛意咁，因为系烩意粉，所以无话油淋淋。味道都属于一般，因为酸忌廉味唔突出，牛柳丝有丁点韧，唯一可取系烩意粉做到恰到好处，无过腍情况。
奶茶，可能系错觉，都系茶餐厅好饮啲！
滑蛋虾仁炒河 $58C小姐要中式晚市套餐，要西汤，饮华田。中饭西汤，无所谓，至紧要系啱自己心水。罗宋汤，虽然汤料唔多，但味道浓郁，而且，大大个斜口汤碗上，够别致，再伴一小块蒜蓉法包，值得加分。
滑蛋虾仁炒河，有惊喜，卖相令人更想食，因为滑蛋望落已见炒得非常嫩滑，虾仁唔系虾毛仔，只只都大大粒，而个河粉都炒得OK，唔会太黐黐实一旧旧咁。味道方面，只系试食咗一啖，感觉唔错，滑蛋有蛋香，而且确系滑溜，虾仁亦爽口，河粉无试！
泡沫华田，另一个惊喜，以整泡沫咖啡手法嚟整华田，确系妙绝，虽然都系试咗一啖，但真系比平时饮嘅华田滑好多，感觉华田嘅质感好似轻身咗。
招牌海南鸡饭套餐 $55老友阿志拣咗海南鸡，配老火例汤、油菜、鸡油饭。依个就无试喇，因为感觉都系一般海南鸡饭咁，份量几足，大大份海南鸡，老友话外薄肉嫩，脂肪唔多；鸡饭都OK，有少许鸡汤味，唔算油；不过，配姜蓉、蚝油、醋，比起传统嘅姜蓉、黑豉油、辣椒酱，就变咗地道化啲！
张贴
