正宗上海生煎皇后麵館 (已結業)

喺深水埗呢間麵店裝修好特出，今日路過就決定一試。接近一點到，細細舖仔已經大半滿人，好彩唔洗等位。入到嚟見到江若琳張相先知道原來係佢開嘅，唔怪得知叫生煎包皇后😂😂餐廳全白裝修加上盆栽裝飾，感覺好清新，似cafe多啲，都幾舒服👍🏻👍🏻👍🏻餐廳有午市套餐，一款主食一款小食自由配搭，都有幾多選擇！價錢比散叫平啲，仲有埋飲品！我就叫咗招牌豬軟骨飯，配油菜，再加咗一個糯米釀雞翼，飲品就係熱豆漿。豬軟骨有柚皮，好夠焾，食落甜甜地，都幾開胃！油菜就夠晒大碟，食落都清爽同甜😋😋😋糯米釀雞翼，都夠晒入味！豆漿唔太甜，夠晒健康！