稻埕飯店 (V Point) (已結業)

食台湾菜大家通常都会谂起一啲小店，今次揾到间又大又型格餐厅，仲可以同朋友饮番杯，感觉焕然一新！坐低第一时间嗌碟醉鸡卷！一放低已闻到阵阵酒香，鸡卷大大份又啖啖肉，有酒香但唔会过重👍🏻螺头炖汤滋补又暖粒粒，入口清甜，饮完即时有暖胃嘅感觉～红糟文旦荫树蒸深海大花尾龙趸，龙趸肉爽弹鲜甜，可能系用咗台湾地道红糟嘅缘故，酱汁有微微酒香同甜味，够特别！呢个特色玻璃盒入边装著盐酥波士顿龙虾，望落更觉精致，配有脆卜卜嘅豆角、南瓜同秋葵，惹味得嚟keep到健康感，食唔停口！龙虾肉新鲜弹牙，盐酥香味十足 ！八斗子炒饭材料好丰富，劲大只虎虾，仲食到一丝丝蟹肉，有带子粒同鹅肉，脆脆嘅蟹子同香口肉松，口感够晒多样化，好快就清咗碟饭！最后点个滋润红枣丸子汤丸，又甜又润喉～呢度环境够chill，见有几枱食客叫咗靓靓特饮打卡，下次都约闺蜜嚟饮返杯先！