和藏 (已結業)

呢到座位阔落，适合同朋友饮酒食野，倾下计。所有食物即叫即整，坐系吧台位仲可以睇到料理既过程。厨房空间唔算太大，但佢地分工合作得几好，会留意住客人既进度黎上菜。吉列明太子鸡翼 $58外皮好酥脆，够juicy，搭配明太子，有微辣既感觉。季节寿司盛合🎏寿司8件🍣卷物3件 $588有帆立贝、蜜金鲷、赤身、深海池鱼、穴子、中拖、甜虾、海胆等。帆立贝切开一半平放，但都掩盖唔到佢既厚度，好鲜甜。中拖油脂非常甘香，完全无筋。蒲烧新鲜鳗鱼 $68 🍢盐烧牛舌芯 $78鳗鱼肉质软绵，唔会太油腻。牛舌芯厚切，口感爽嫩。宫崎A4和牛寿喜烧 $338和牛油脂好靓，肉质柔嫩。寿喜烧底做得唔错，唔会太甜，锅内有满满既菜、豆腐、菇，几丰富。五卵卡邦尼乌冬 $198五卵系明太子、海胆、乌鱼子、鸡蛋、三文鱼子，搭配卡邦尼几特别，加埋乌冬滑捋捋既口感又几match。我同朋友闲谈中，厨师仲请左我地食炭烧鳕鱼干😋最后仲有雪糕送，好浓香既抹茶味同软滑。