泰玖

营业中

休息中

朋友向荃湾返工，佢试过呢到嘅午餐仲力赞好好食，所以今次带我嚟食晚市。呢间餐厅楼高有两层，地下个层就有bar枱，楼上座位都好宽敞，而且楼底高，就算多人倾计都唔会太嘈，最欣赏佢嘅装修系工业风格，打卡完全系非常靓。招牌肉碎生菜包 - 食泰国菜一定必叫，大大份几个人share都唔怕，而且肉碎够干身够辣够惹味，生菜大大块唔怕食到成枱都系，必点！！！！泰式炸虾饼 - 好细心地分左半块1件，而且炸得好香口。泰式青咖哩鸡 - 又系大大碟，咖哩唔算太辣但好香，鸡件非常大件而且嫰滑，里面仲有少少杂菜，性价比非常高。金砖蒜蓉包 - 香气十足，烘得非常脆口，配青咖哩食完全系绝配。芒果糯米饭 - 卖相已经非常吸引，分左5件，完全好似寿司咁，方便同朋友分享，而且有我最爱嘅紫糯米，芒果亦都唔会酸，大推！！青柠梳打 ＆ 珍多冰 整体而言，因为食物真系太多选择，而且份量十足，真系要嚟多几次先可以试埋串烧同海鲜类。