打鑊甘火鍋串燒 (已結業)

趁天气冻冻地，梗系去打边炉啦！呢间火锅店喺北角街市嘅熟食中心入边，充满港式边炉风味！不得不介绍一下餐单，餐厅为每一样火锅配料配上搞笑型格嘅名称，例如：唔使去抢，有鸭肠、天残脚（鸡脚）、邪恶猪心同埋人头唔食食猪路等等，非常有趣！单系餐单，已经够晒gimmick ！推介火锅配料第一名：打镬甘必食猪润推介指数：⭐️⭐️⭐️⭐️⭐️/5猪润滑身，够爽口，唔会淋，而且餐厅用咗绍兴酒腌猪润，令到猪润充满清新酒香，一啲都唔腥！每件猪润都切得非常厚身，而且数量好多，大大碟，两个人的确食唔晒。第二名：包冇诈型牛筋丸（必食）推介指数：⭐️⭐️⭐️⭐️/5呢个牛筋丸好弹牙，而且超爆汁，非常Juicy！仲好有牛肉味，食得出系真材实料！第三名：烧鸡泡鱼推介指数：⭐️⭐️⭐️⭐️/5鸡泡鱼烧得脆身，唔会干身，仍然保留鸡泡鱼嘅肉汁。除咗以上推介配料之外，餐厅仲有好多唔同嘅配料选择，满足香港人嘅胃口。