Burgerman (埃華街) (已結業)

收工同朋友聚一聚，就求其揾啲方便倾计嘅地方。呢间食burger嘅餐厅睇落好美式风格，而且嘢食选择够多，就试一试。Menu上面有burger，可以跟餐同埋小食，意粉都有得拣，以细细间餐厅黎讲，选择算几多。我哋拣咗蓝芝士风味汉堡，同埋牛油果软壳蟹汉堡跟套餐。汉堡牛肉新鲜，好Juicy，上面仲有烟肉洋葱，蕃茄，生菜同蓝芝士，整体味道都好浓郁，超好味！跟餐有薯条同薯角，都炸得唔太油，加埋枱上面嘅千岛酱，好惹味。牛油果软壳蟹汉堡够足料，软壳蟹炸得好好味又香口，配牛油果同生菜真系perfect match！另外仲有Buffalo Wings，鸡翼酱辣辣辣地甜甜地几好食。