影片
更多
2021-09-08
17 浏览
经过太子花园街见到有好多酒吧餐厅，望到呢间入面嘅装修几有特色，气氛又唔错，所以入去试吓！.🌽 Nuts $40一坐低餐厅职员就会放低一碟Nachos，配忌廉酱食。.🍢 蒜片香煎美国牛仔肠拼家乡杂椒鸡肉串 $158呢个小食有两串12吋长嘅鸡肉串同埋两条美式牛仔肠，份量十足。鸡肉串有成手臂咁长，鸡肉唔会烧得过干，食到黑椒香味，搭配杂椒中和肉类嘅油腻感。牛仔肠用蒜片煎香，外皮脆口肉质结实。.🥩 炭烧美国顶级牛柳 (12oz) $168餐厅名有个steak字梗系要试steak啦！点咗12oz牛柳，一上枱就咁望好似唔系好大件，但其实非常厚身，够晒份量。牛柳表面烧出褐色网纹，食落有炭烧余香，叫咗7成熟烧得啱啱好，表面微微焦香，切开仲见到粉嫩肉质，口感软嫩牛味浓郁。酱汁可以拣黑椒、蒜蓉牛油或烧汁，不过我觉得唔使蘸酱都够味，可以食到牛肉嘅原汁原味。.扒类加钱可配6款星级配菜🍟 黄金芝士炸薯条 $28热辣辣薯条上面铺满芝士，芝士做到熔岩效果，啖啖都食到香浓芝士，配埋少少烟肉碎增添咸香味。.🥗 烟三文鱼沙律 $38烟三文鱼配上沙律，清新健康。.🍝 自选意粉 $88呢度最特别嘅系可以自选pasta + 酱汁
.
🌽 Nuts $40
一坐低餐厅职员就会放低一碟Nachos，配忌廉酱食。
.
🍢 蒜片香煎美国牛仔肠拼家乡杂椒鸡肉串 $158
呢个小食有两串12吋长嘅鸡肉串同埋两条美式牛仔肠，份量十足。鸡肉串有成手臂咁长，鸡肉唔会烧得过干，食到黑椒香味，搭配杂椒中和肉类嘅油腻感。牛仔肠用蒜片煎香，外皮脆口肉质结实。
.
🥩 炭烧美国顶级牛柳 (12oz) $168
餐厅名有个steak字梗系要试steak啦！点咗12oz牛柳，一上枱就咁望好似唔系好大件，但其实非常厚身，够晒份量。牛柳表面烧出褐色网纹，食落有炭烧余香，叫咗7成熟烧得啱啱好，表面微微焦香，切开仲见到粉嫩肉质，口感软嫩牛味浓郁。酱汁可以拣黑椒、蒜蓉牛油或烧汁，不过我觉得唔使蘸酱都够味，可以食到牛肉嘅原汁原味。
.
扒类加钱可配6款星级配菜
🍟 黄金芝士炸薯条 $28
热辣辣薯条上面铺满芝士，芝士做到熔岩效果，啖啖都食到香浓芝士，配埋少少烟肉碎增添咸香味。
.
🥗 烟三文鱼沙律 $38
烟三文鱼配上沙律，清新健康。
.
🍝 自选意粉 $88
呢度最特别嘅系可以自选pasta + 酱汁+配料 (好似车仔面咁ʕ•ᴥ•ʔ)，一定啱晒自己口味！有4款pasta及6款酱汁，配料就有两种价钱10款选择，最后仲可以拣埋芝味精选。我哋就拣咗濶条面+罗勒酱+蚬肉+蟹肉，濶条面软硬适中，蚬肉蟹肉质素及份量都ok，罗勒酱轻盈味道带甜，不过酱汁再多啲就更好喇！
.
Main menu +$22有餐汤及冷热饮品各一。
🥣 南瓜浓汤
🍹 冻柠茶
.
总括而言：餐厅食物主要有沙律小食、扒类、pasta & risotto、pizza & burger，试咗几款食物质素都唔错。饮品选择都几多，有cocktail、mocktail 及啤酒等，不过我哋就无试喇！餐厅装修型格，有美国风情嘅大型壁画，灯光情调不错，仲有大电视播住球赛，啱晒一班朋友饮酒睇波！
张贴
