影片
更多
2013-07-27
907 浏览
「八千代面坊」位于中环摆花街Pizza Express楼上，从中环扶手电梯行上去需时只要5至10分钟左右，非常方便中环的上班一族。由于从好远已经可以望到好大只既「Pizza Express」 logo，所以就算平时唔系喺中环返工、远度而黎既人都应该唔难揾到佢。或者因为薄有名气既关系，所以就算唔系位处九如坊「拉面区」一带依然不乏捧场客，是日于中午十二点二十分已经全场满座。走既时候虽然已经一点有多，但系外面重有唔少等食既OL！入去坐低唔够一分钟，waitress首先奉上茶同埋餐前小食。贯切一贯正宗日本拉面店既作风，杯茶有少少冻之余亦唔会好似冰水咁夸张，既解渴之余亦唔会冻亲肚仔。那餐前小碟十分特别，用油同埋少少盐腌制既豆角同埋海带醒神开胃，绝对系入正题之前既刺激味蕾既最好点缀！拉面既选择唔多，大概只有5款左右。就咁睇相每款既差别不大，面质应该都系好相近，只系豚肉既种类同埋汤底略有不同而已。不过，除此之外重可以选择沾面同埋其他既小食好似饺子咁，以咁既规模既小店黎讲，可以有咁多既种类绝对系喜出望外！食物上菜既速度非常之快，order之后前后不到十分钟已经有野食。从价钱黎讲($88)，「八千代叉烧
或者因为薄有名气既关系，所以就算唔系位处九如坊「拉面区」一带依然不乏捧场客，是日于中午十二点二十分已经全场满座。走既时候虽然已经一点有多，但系外面重有唔少等食既OL！
入去坐低唔够一分钟，waitress首先奉上茶同埋餐前小食。贯切一贯正宗日本拉面店既作风，杯茶有少少冻之余亦唔会好似冰水咁夸张，既解渴之余亦唔会冻亲肚仔。那餐前小碟十分特别，用油同埋少少盐腌制既豆角同埋海带醒神开胃，绝对系入正题之前既刺激味蕾既最好点缀！
拉面既选择唔多，大概只有5款左右。就咁睇相每款既差别不大，面质应该都系好相近，只系豚肉既种类同埋汤底略有不同而已。不过，除此之外重可以选择沾面同埋其他既小食好似饺子咁，以咁既规模既小店黎讲，可以有咁多既种类绝对系喜出望外！
食物上菜既速度非常之快，order之后前后不到十分钟已经有野食。从价钱黎讲($88)，「八千代叉烧拉面」应该系镇店之宝，不过面质方面就有少少失望，冇得好似市面上大部份既拉面店选择软硬度之余（软/适中/硬），面质亦比附近同等价钱既拉面为差，只系叫做比集团式制作之流好少少。不过，汤底就做得相当出色，饮到啖啖猪骨味之余亦唔会成口油，而豚肉既数量更系我食过拉面以黎最多（有6块），几乎可以啱啱一圈舖喺个碗面，而肉质亦都相当有口感，有少少肉味之余又唔会太over咸到死咁。不过，要批评既系糖心蛋，如图所见流心当然揾唔到，而个蛋黄好似有少少煮得over咗，令到卖相差左少少，不过勉强叫做不过不失，比个合格佢啦！
盐味拉面($80)方面，佢用左一D好似雪菜既材料去replace紫菜。呢个做法比较特别，相对少见，但系果D雪菜既物体反而可以更加开胃，放落D汤后更加可以中和返汤既味道。拉面里面既豚肉同「八千代叉烧拉面」果D略有不同，用左一种有少少似食自助餐果D火鸡既品种，虽然口感略「鞋」，但反而可以更加食得出肉既质感。可能因为用左少少「盐味」既调味料，口感非常solid之余更加同一般拉面上面果D一旧旧痴埋一齐既「合成肉」比完全超晒班，值得一试。糖心蛋方面，今次就绝对交足功课喇，蛋黄有少少流心之余又唔会好似煮唔熟咁一pat野。我谂「八千代叉烧拉面」上面既experience应该都只系一时失手啫，所以比次机会佢。
特别要赞一赞既系侍应既服务态度。唔知几时开始，香港既拉面店兴起「收加一」既热潮，有D 近乎「self-service」自己加水、自己出去埋单既舖头都要收加一，简直离晒谱。呢度虽然都要收加一，但绝对抵俾，侍应频频加茶之余更加十分有礼，埋单既时候亦都识得讲「多谢晒」等等一D自称「人气拉面店」已经违忘既基本礼貌。不过，单系喺中环已经数得出十间八间竞争对手既情况下，佢地一定要谂办法吸引更加多客人回流，唔好一味只系俾报章杂志既所谓「潮流」牵著走！
张贴
