八蠔吧 (已結業)

有人话好耐无食蚝🦪除咗耐无食蚝，我都好耐无见佢，所以要带佢食好啲。入到去环境都几有气氛，仲见到好多嘅生蚝系个柜里面。今次我哋每样叫咗一只，嚟到嘅时候店员建议我哋食法系由1号食到6号。我哋都好听话咁跟住食，就系有淡味食到浓味，真系好新鲜，几好。慢煮鸡胸肉配鸡汁 $228超级钟意食呢个，本身我都好钟意食慢煮嘅肉，因为慢煮系用咗低温处理，肉质会偏嫩口。虽然鸡汁好似好普通，但配左落去都几夹，因为佢肉质偏滑，再配埋佢个超级无敌好食嘅薯蓉，简直系有恋爱嘅感觉，所以超级推介食呢个。夏季蔬菜烩意大利饭 $188Risotto本身系一样我觉得都几肥嘅嘢，但佢呢个唔会好腻，而且佢系配搭左蔬菜，成个变得好健康。自家制意大利芝士饼 $68超级无敌嘅邪恶，佢系劲多嘅芝士，同埋佢嘅芝士唔会话好硬身，食完呢个超级有罪恶感。