影片
更多
2021-11-15
392 浏览
哩晚系第二次到访米芝莲一星餐厅Petrus一尝佢最新嘅秋季餐单🍁.港岛香格里拉酒店以中西风格建筑闻名酒店入面有好多名画同古董Petrus嘅装修都系走古典路线🕯水晶吊灯、烛台、欧式桌椅、细致嘅雕刻配埋柔和嘅音乐 有种置身宫殿中晚餐嘅感觉🏰今晚坐嘅窗边座位仲可以眺望维港海景未见野食 已经靠布置赢得好印象☺️.值得一赞嘅系 餐厅侍应服务非常贴心每次出入座位 就算只系几步之遥都会为客人领路 又会为客人拉凳推凳服务都令人留下好好嘅印象☺️今晚有4款Amuse Bouche每款都超出预期地好味！.第一款系贝壳形嘅finger food🐚佢系蛋糕嘅testure不过因为加入左西班牙香肠🐷所以味道带有咸香 非常好食.第二款系墨鱼汁腌渍三文鱼厨师利用墨鱼汁 将三文鱼包成云石状 外形好有心思三文鱼底有一片小叶 味道清新可以中和腌渍三文鱼嘅咸味.第三款系蛋白霜蒜蓉挞薄薄带有微脆嘅挞底 包住蒜蓉面头挤上细腻嘅蛋白霜有种食紧云朵嘅感觉☁️.最后一款系冻肉挞透明嘅肉冻包住肉丝口感几弹牙 有种食紧淆肉嘅感觉系中西合璧嘅感觉🙈😛.Petrus嘅dinner menu可以自由选择3-5道菜今晚我地就拣左4道菜😛.第一道col
一尝佢最新嘅秋季餐单🍁
.
港岛香格里拉酒店以中西风格建筑闻名
酒店入面有好多名画同古董
Petrus嘅装修都系走古典路线🕯
水晶吊灯、烛台、欧式桌椅、细致嘅雕刻
配埋柔和嘅音乐 有种置身宫殿中晚餐嘅感觉🏰
今晚坐嘅窗边座位仲可以眺望维港海景
未见野食 已经靠布置赢得好印象☺️
.
值得一赞嘅系 餐厅侍应服务非常贴心
每次出入座位 就算只系几步之遥
都会为客人领路
又会为客人拉凳推凳
服务都令人留下好好嘅印象☺️
今晚有4款Amuse Bouche
每款都超出预期地好味！
.
第一款系贝壳形嘅finger food🐚
佢系蛋糕嘅testure
不过因为加入左西班牙香肠🐷
所以味道带有咸香 非常好食
.
第二款系墨鱼汁腌渍三文鱼
厨师利用墨鱼汁
将三文鱼包成云石状
外形好有心思
三文鱼底有一片小叶 味道清新
可以中和腌渍三文鱼嘅咸味
.
第三款系蛋白霜蒜蓉挞
薄薄带有微脆嘅挞底 包住蒜蓉
面头挤上细腻嘅蛋白霜
有种食紧云朵嘅感觉☁️
.
最后一款系冻肉挞
透明嘅肉冻包住肉丝
口感几弹牙 有种食紧淆肉嘅感觉
系中西合璧嘅感觉🙈😛
.
Petrus嘅dinner menu可以自由选择3-5道菜
今晚我地就拣左4道菜😛
.
第一道cold starter系Kristal Caviar
哩道菜分为两个部分
第一部分嘅nibble系炸鱼子酱薯球
味道不过不失 唔算出色
.
哩道菜嘅主体分为3层
分别系沙律、薯仔、鱼子酱🐟
.
菜色摆盘精致
鱼子酱份量唔少
但调味过酸 酸味掩盖左食材嘅味道
连钟意食酸嘢嘅我 都觉得非常一般
.
哩道菜需要额外加💰288
似乎性价比唔太高🥲
系全晚最失望嘅菜色🥺
.
虽然哩道菜表现失准
但有其他菜色为Petrus挽回分数
所以都值得一个5分🌟
第二道cold starter系George Buck Foie Gras🦆
哩道菜继续分为两个部分
第一部分嘅nibble运用左鸟巢设计🐦
鸡蛋被挖空 成为容器 放置系干草堆上 恰似真正嘅鸟巢
摆盘同食材非常配合 睇得出当中嘅心思💖
.
蛋壳内嘅系泡沫鸭肝
最底层填满布丁状嘅鸭肝酱 配上绵密嘅泡沫
口感细腻 味道甘香👅
单系nibble已经令人非常惊喜
.
欣赏完前奏 终于黎到前菜嘅主体 鸭肝冻批
鸭肝顺滑甘香 入面混入猪蹄肉丝 提升左整道菜嘅口感
冻批上放置左两粒焦糖核桃
焦糖嘅甜味引出左鸭肝嘅馥郁香味
.
食到哩到 相信都觉得有少少腻
混合旁边酸甜嘅果酱食用 又系另一种风味🍐
Hot starter方面 我地拣左Petrus嘅招牌红虾🦐
红虾长过我手板 分量惊人
味道方面 虾肉非常鲜甜 肉质弹牙
旁边嘅虾酱带有咸香 更加带出虾肉嘅鲜甜💖
食完虾肉 仲可以倒出虾头入面嘅虾膏
将烤得香脆嘅厚切面包 蘸上虾膏
带出左一种独特嘅鲜味🍞
餐厅招牌菜哩个名号 完全当之无愧
哩道菜我地配左一杯wine pairing
侍酒师为我地带黎一枝西班牙气泡酒🍾️
2011 Cava Kripta Gran Reserva Brut Nature
酒瓶嘅底部系圆形 酒标嘅设计亦非常精致特别
酒色泽金黄 气泡多而持久🥂
一倒出已经闻到馥郁嘅芳香
味道方面 哩枝酒比较dry 酸度比较重
同红虾系个好好嘅配搭
第一个主菜 我地拣左Bresse Pigeon🕊
鸽肉外皮煎得好香 有少少盐调味
食落有啲似超级鲜嫩嘅红烧乳鸽😂
.
碟边有一大块无花果包住嘅肝脏
无花果嘅酸甜味道中和左肝脏嘅腻感
带黎非常好嘅平衡 well done👍
第二份主菜 我地拣左Brandt Beef Calotte🐮
大厨将牛骨髓造成蜡烛嘅形状
一路烧 牛骨髓就一路溶化
最后可以混合埋底部嘅蒜蓉脆脆
同牛扒一齐食用
哩个摆盘非常有趣 仲好有情调🕯️
.
主菜嘅牛扒都几嫩滑
不过牛味唔算重 算系不过不失啦
.
牛扒顶部仲有一大块义大利云吞
云吞入面包裹住牛肝菌 菌味浓郁
钟意食菇嘅我非常钟意
不过云吞皮实在太厚 口感过硬
有少少失望😞
牛扒配左一杯wine pairing
侍酒师为我地带黎嘅系
2017 Chateau Seraphine 'l'Innocence de Seraphine'
虽然我唔算太钟意饮红酒
不过哩杯酒好fruity 顺喉
小酌一杯都唔差㗎🍷
终于黎到甜品嘅介绍
第一份甜品系French Chestnut🌰
哩道甜品嘅造型除左精致 仲好贴合主题
大厨将栗子造型嘅朱古力包裹住蛋白霜/栗子奶油
一咬开脆脆嘅朱古力 入面幼滑嘅内馅就涌流而出🥰
两种唔同口感 为口腔带黎唔同嘅体验
味道方面 栗子同朱古力都系浓味嘅食材🍫
互相配搭 大家嘅味道都唔会被掩盖
将秋季食材 味道浓郁嘅特点发挥到恰到好处 🍂
系今年食过最出色嘅甜品
我地加钱拣左Australian Truffle做另一道甜品🍮
侍应会即席将原粒黑松露刨落餐碟🍽
都算系个小小嘅表演
.
黑松露片嘅分量好多 底部仲有传统嘅法式甜品Baba 同埋 榛子🌰
Baba被rum浸到湿润 甜美而且带有酒香🥃
不过因为甜味同酒味过于强烈 掩盖左黑松露嘅味道
令整道甜品嘅重心 偏离左原意
虽然好味 但令一心期待黑松露甜品嘅我稍微有啲失望
张贴
