影片
更多
2024-11-30
146 浏览
天气凉凉哋，最啱就系打边炉！今次喺天后楼上嘅火锅店，装修十分有复古港式情怀，有少少似入咗城寨嘅感觉，播住粤语经典金曲🎶，劲有feel！全部都系圆枱，仲有架可以攞嚟放火锅配料，而家只要follow佢哋社交平台，仲可享💰1️⃣啤酒优惠🈹，快啲约朋友一齐围炉打边炉！------------------------------🍲◖卜卜蚬猪骨煲◗ $238汤底超足料值得一赞，净系卜卜蚬都有三大碗，猪骨有几嚿大大嚿，卜卜蚬好肥美鲜甜！煲底嚟咗之后可以先饮汤，有少少胡椒嘅辣，清清地味道鲜甜！🦪◖苏格兰蛏子◗ $116🦐◖海中虾（半份）◗ $88有唔少海鲜选择，食落肉质紧实鲜甜，海鲜几新鲜，质素都唔错🥠◖椒盐烧卖◗ $68🐂◖椒盐牛腩粒◗ $98有啲椒盐小食，相对上比较少见，今次试咗烧卖同牛腩粒，佢椒盐炸皮有返一定厚度，有少少盐酥嘅味道，咬落去烟烟韧韧～整体烧卖比较好食，牛腩粒略嫌比椒盐覆盖𠮶啲牛味～🐂◖清炖牛腩片◗ $198💕◖黑安格斯牛板腱（大）◗ $348牛肉有唔同部位可以拣，手切同埋煮好嘅都有～清炖牛肉片出面打边炉比较少见，肉质比较瘦，肉味颇出，但口感会相对上比较干；安格斯牛板腱厚度有返咁上下，简
------------------------------
🍲◖卜卜蚬猪骨煲◗ $238
汤底超足料值得一赞，净系卜卜蚬都有三大碗，猪骨有几嚿大大嚿，卜卜蚬好肥美鲜甜！煲底嚟咗之后可以先饮汤，有少少胡椒嘅辣，清清地味道鲜甜！
🦪◖苏格兰蛏子◗ $116
🦐◖海中虾（半份）◗ $88
有唔少海鲜选择，食落肉质紧实鲜甜，海鲜几新鲜，质素都唔错
🥠◖椒盐烧卖◗ $68
🐂◖椒盐牛腩粒◗ $98
有啲椒盐小食，相对上比较少见，今次试咗烧卖同牛腩粒，佢椒盐炸皮有返一定厚度，有少少盐酥嘅味道，咬落去烟烟韧韧～整体烧卖比较好食，牛腩粒略嫌比椒盐覆盖𠮶啲牛味～
🐂◖清炖牛腩片◗ $198
💕◖黑安格斯牛板腱（大）◗ $348
牛肉有唔同部位可以拣，手切同埋煮好嘅都有～清炖牛肉片出面打边炉比较少见，肉质比较瘦，肉味颇出，但口感会相对上比较干；安格斯牛板腱厚度有返咁上下，简单碌一碌佢，点少少豉油已经好好食，一啲都唔干柴，牛味超级浓！
🥟◖自家制鲜虾云吞x韭菜饺◗ $90
自己加咗$10双拼佢嘅自家制饺子，一份有八粒，鲜虾云吞超好食，皮薄啖啖虾肉，弹牙爽口；韭菜饺包咗超爆嘅韭菜馅，够香但食落相对上寡少少～
🧆◖手打五宝丸◗ $98
一次过试晒五只招牌手打丸：猪肉丸、鲮鱼丸 、牛丸、墨鱼丸、虾丸。入面最钟意佢嘅虾丸，粒粒虾肉好足料；牛丸有适量牛油脂，咬落去有爆汁嘅感觉；猪肉丸都几有惊喜，有肉味而且够晒弹！
🥬◖唐生菜◗ $42
🥬◖油麦菜◗ $42
打边炉临尾梗系要烚返几个菜，索晒汤入面嘅味道，正！
🍋◖柠檬薏米水◗ $48
有一大jar，薏米水味道唔会好甜，带少少柠檬嘅清新，啱晒攞嚟清一清油腻
🌟 Encore指数：8.9/10
张贴
