城寨風味

营业中

休息中

难得经过九龙城广场，虽然广场入边冇乜人，但系见到有一间餐厅都几光鲜几企理，于是入去开饭。入到去座无虚席，佢个装修亦都非常之古色古香，非常热闹。首先我哋嗌咗孜然猪下青，好彩侍应姐姐有讲到猪下车系猪颈肉前腿既前部同猪头相连位，所以食落非常之爽，少少肥腻再用高温油炸过，加少少孜然粉上去点缀，钟意食香口嘢嘅朋友仔真系唔可以错过。另外就嗌咗个金牌盐烧鸡，呢个同普通炸子鸡好唔同，外皮炸得非常香脆，鸡都非常嫩画，鸡肉咬落去，你食得出系新鲜鸡嘅味道，最出色系佢放喺隔离嘅一点秘制酱汁，酸酸甜甜，又唔系鼓油，但系帮只鸡锦上添花。最后不得不提嘅就系砂锅鲍汁瑶柱炒饭，呢个饭非常足料唔系剩系得爆汁咁简单，仲有鲍鱼肉同鸡肉，满满嘅瑶柱包住粒粒嘅饭，亦非常有镬气，用沙锅上仲可以keep住炒饭嘅余温，惹味得来又唔会非常之咸。总括嚟讲，呢间餐厅可以保留住城寨嘅风味之余，食物水准亦偏高，真系九龙城广场嘅一个新蒲点。