荷華庭園景餐廳 (已易手) 新餐厅

难得有假期行下山，今次路线拣咗大埔的梧桐寨！行完当然要揾地方医肚，荷华庭嘅园景完全系吸引咗我，小桥流水，仲有多个独立玻璃门，超有情调！海虾鲜果沙律鲜果分别有芒果、士多啤梨、木瓜、蜜瓜，全部都好香甜多汁，加埋爽脆嘅沙律菜，配上带有丰富海洋鲜味又大只嘅海虾，真系开胃至极！烧纽西兰羊鞍羊鞍烧得啱啱好，肉质香滑且肉汁丰富，外皮仲带点脆口😋仲好嘅系佢无咩羊骚味，连超怕骚味的我都轻易入口！配埋mustard 非常惹味！黑松露杂菌海胆意粉一上桌就已闻到扑鼻嘅黑松露香味， 虽然唔系好食到海胆嘅味道， 但系佢份量十足嘅杂菌同埋黑松露汁真系令人十分满足！🙌🏻