森林咖啡 (已結業)

朋友约饮咖啡，原本订咗喺尖沙咀，但系心情麻麻但又唔想放朋友飞机，就建议改地点。其实又想游吓车河散吓心，咁啱又喺车友揾食Group到见到大埔有间特色Cafe，于是就同朋友提议由尖沙咀改为大埔。喺油塘接咗朋友上车后就直接入咗大埔，其实Forest Cafe位置都算易揾，但系门口嘅招牌太细都Miss咗个路口，对于第一次黎嘅朋友都好易错过咗个入口...泊好车之后，望吓四周围嘅环境已经觉得好舒服好Relax，而且中午时间落完一场大雨，入喺雨木包围之吓闻落嘅空气觉得好似特别清新咁。职员安排座位比我地之前，都有问吓我地想坐喺店内还是店外，我见个天又停咗雨，而且又唔晒，就选择咗坐喺店外帐篷嘅位置。不过坐低后，店员就同我地道歉，话所有面包类嘅食物都已经售罄，不过无所谓，我都无胃口食包，不过职员嘅服务态度几好。Menu都几有特式，所有食物都系用即影即有相拍低再放喺相簿最后我哋点左一杯柚子梳打、一杯Cappuccino、一件Cheese Cake、一碟大菇沙律。柚子梳打我几钟意，唔会太甜。而沙律菜我钟意佢地唔系用凯萨沙律酱，系用咗醋，而个大菇都煮得好香。芝士蛋糕都好滑。同朋友倾吓倾吓都倾咗两个几钟，职员又唔