影片
更多
2023-09-21
65 浏览
一泊好车就落大雨，见餐厅装修几舒服，入去避雨，顺便叹个悠悠闲嘅午餐。午餐竟然有我最爱嘅羊架，其他嘢已经唔洗谂。场雨睇嚟都有排落，叫多件cake慢慢叹吓、唞吓。 餐汤 南瓜汤🥣又系我至爱，最钟意啖啖南瓜蓉嘅浓郁香味同口感。孜然烤羊架 （$138)薯蓉、大啡菇、车厘茄、沙律菜、无花果嘅伴碟，简单、清新；少少嘅黑醋增加了沙律菜嘅味道，同时加埋无花果嘅微酸，正好可以平衡两大件羊架嘅饱滞感。薯蓉黏附著薯皮证明唔系即食粉浆开成嘅假薯蓉，纤维丰富。羊架烤得干身，即使食埋羊架边嘅羊脂位，都唔觉得有油腻感。厚肉但火喉都ok，入口易嚼；整体真系几唔错，如果孜然粉再多一点，我会俾更高分。New York Cheese Cake(跟餐+$38)卖相极可爱！ 欣赏cheese cake 面洒上几粒果仁，增加口感之余，亦令味道更丰富。我觉得cheese cake 甜度啱啱好，唔会太甜；软硬度亦适中；最重要系cheese味够出，每啖入口都感受到cheese慢慢溶化，正！ Passion Fruit Soda炎夏饮呢杯都几消暑，下次要试吓呢度嘅coffee先。 几个年青人主理饮品、食物，质素其实几好！待客有礼，值得
午餐竟然有我最爱嘅羊架，其他嘢已经唔洗谂。场雨睇嚟都有排落，叫多件cake慢慢叹吓、唞吓。
餐汤 南瓜汤🥣
又系我至爱，最钟意啖啖南瓜蓉嘅浓郁香味同口感。
孜然烤羊架 （$138)
薯蓉、大啡菇、车厘茄、沙律菜、无花果嘅伴碟，简单、清新；少少嘅黑醋增加了沙律菜嘅味道，同时加埋无花果嘅微酸，正好可以平衡两大件羊架嘅饱滞感。
薯蓉黏附著薯皮证明唔系即食粉浆开成嘅假薯蓉，纤维丰富。
羊架烤得干身，即使食埋羊架边嘅羊脂位，都唔觉得有油腻感。厚肉但火喉都ok，入口易嚼；整体真系几唔错，如果孜然粉再多一点，我会俾更高分。
New York Cheese Cake(跟餐+$38)
卖相极可爱！ 欣赏cheese cake 面洒上几粒果仁，增加口感之余，亦令味道更丰富。我觉得cheese cake 甜度啱啱好，唔会太甜；软硬度亦适中；最重要系cheese味够出，每啖入口都感受到cheese慢慢溶化，正！
Passion Fruit Soda
炎夏饮呢杯都几消暑，下次要试吓呢度嘅coffee先。
几个年青人主理饮品、食物，质素其实几好！待客有礼，值得支持。
张贴
