碼頭故事 (已搬遷) 新店位置

今日去食火锅，去左食中式火锅，码头故事。嘢食同环境都唔错。汤底叫左牛油鸳鸯锅，食辣同唔辣都满足到。两个人叫唔到好多嘢食，叫左安格斯肥牛，毛肚，韭菜饺，鹌鹑旦，皇帝菜，乌东。肥牛两个人份量算可以，几靓仔，当然食落去都好有牛味。毛肚比较爽口，不消10秒钟就可以食，有啲似食黑栢叶，但系唔会韧口。韭菜饺我觉得几高质，因为食得出系真系用手包，皮好薄，用料亦都好足。鹌鹑旦都唔错，食落去有啲蛋汁，差唔多有十几粒咁多。皇帝菜正正常常，记住要摆落清汤度打，如果唔系好似我唔系几食得辣嘅话，就gg。总结：嘢食质素几好，价钱唔平唔贵，所以我觉得对得住啲食客。环境就有feel嘅，但要坐木凳仔，我觉得坐得舒唔舒服就见仁见智啦。