彩虹甜品屋 (已搬遷) 新店位置

今日去上水探朋友，食完晚饭，妈咪就带左我去食糖水。妈咪话呢间糖水店系区内好出名嘅，就系彩虹甜品屋喇。到左之后，我「哗」左一声，使唔使咁多人呀？目测店内应该有30-40人，门口仲有大概10人在等外卖。所以我放弃堂食，叫左两碗甜品就带返妈咪屋企一齐食。系舖头等紧外卖嘅时候，望一望店内装修，充满基督教气氛，感觉好导人向善。等左大概10分钟就可以带糖水返屋企食lu。我叫左碗「深凉」，而妈咪就叫左「杏福小甜甜」。深凉，佢有好多西瓜，而且有蒟蒻同埋分别有大细嘅西米粒，由于材料多，整体口感就好丰富，特别想提一下佢地嘅大西米煮得好烟韧，唔错。至于碗「杏福小甜甜」（即系杏仁糊）我妈咪就话杰左少少，但都算好足料，雪耳都好大块嘅。