棠棠居海鮮菜館

营业中

休息中

堂堂一间棠棠居居然有猪油捞饭？！今日又晏咗收工，同事话一齐去食饭，谂到冇咩好食突然有人讲起猪油捞饭，其中一友人就提议去棠棠居了。去到门口发觉居然好新净，心谂呢个深水埗长沙环卧虎藏龙，间间都系武林高手，你如果得个样唔好食我实「her」你噶！ 但一路行一边见到人地食紧猪油捞饭， 口腔分泌即时增加，又名口水都流埋。简简单单咁讲下d 配角：菜芯炒牛肉－ 算足料嘅但系火候有点过，菜有d㶶，牛肉腌得入味爆炒火候适中。椒丝腐乳唐生菜－ 呢味𩠌系睇调教腐乳酱嘅比例，厨师教咸甜适宜我觉得唔错。椒盐鲜鱿－ 呢个畀五粒星， 脆浆教得好好，炸嘅时间又perfect，达至皮脆、浆松、肉唔老，你啲鱿鱼呢家嘢煮耐啲都嗌非礼㗎喇，食完你系知道碟𩠌同个厨系真心相爱的。咕噜肉－ 选用半肥瘦嘅肉，炸得够挺，落镬炒完个芡overall 覆盖住啲肉同配料而又唔会too much，算高分之作。好喇，到主角喇， 登登登凳..... 就系猪油捞饭！坦白讲我今晚食咗三碗，猪油比大x华嘅浓同full body，配微甜豉油，呢个配搭真系一绝聪明，大x华嘅猪油捞饭冇错系好好食，佢个头抽同猪油好夹，但过咸，令到斋食猪油豉油捞饭都可以食成餐饭。