春水堂 (東港城) (已結業)

食过好多次好友买嘅春水堂外卖，今日终于同佢一齐嚟到堂食😊😊。平时喺外面等外卖，只系见到铺头嘅出面，就以为间餐厅比较细。今日入去堂食，就发现原来间舖头系好大，好深嘅😅😅。半筋半肉番茄牛肉面以为加咗蕃茄会影响到个汤底，但冇，牛味仍然浓郁，筋同肉均炆到好淋。面条用咗关庙刀削面，有咬口。手工麻香面线呢个面一上枱，好友同我都觉得「伏」咗😳😳。除咗份量好少，底下嘅麻油水汪汪，一点麻香味都没有，唔会有下次㗎啦。黄金香酥鸡呢个虽然卖相普通，但食落非常好味，外皮虽然炸得香脆，但内里鸡肉仍然保持得非常嫩滑👍。慢煮猪手外卖虽然成日叫，但依然冇食到厌，堂食仍然要encore🤣，好食在于佢个酱汁非常浓郁，啲肉汁渗透哂系猪手入面，惹味非常！好友叫咗热珍珠铁观音奶茶，荼味唔系好突出，但啲小珍珠就好烟韧好有咬口。而我个杯朱古力珍珠奶茶，面头铺咗啲美禄粉同 pretzel，朱古力味若然唔够浓郁。