影片
更多
2014-12-24
2800 浏览
天口冻，莫明其妙好想食打冷，虽然香港地周围都食到潮州嘢，但往往徒具其形，为免贴钱买难受，山长水远都要嚟生昌。盐焗元朗乌头$108呢条鱼系镇店之宝，好多人包括我都系为咗佢先咁神心嚟帮衬。老板不惜高价用元朗养嘅乌头，每条鱼尾都附有相关认证标签。乌头肉质鲜甜嫩滑无泥味，鱼身油脂充足，用粗盐焗完就见到一层黄油喺皮与肉之间，淡淡盐香再配普宁豆酱，鱼鲜功夫足，简简单单，一试难忘。蚝饼$88坊间蚝饼为求悭成本悭功夫(或功夫唔够)，多数会将蚝饼煎得平薄，但一夹即散。生昌蚝饭厚身之余不失松化，新鲜蚝肉夹杂软糯蛋香饼底，外脆内软，蘸上鱼露同胡椒粉，微酸带甜，食多都唔觉滞。上汤浸胜瓜$78用鲜鱼熬汤底，胜瓜完全吸收晒鱼汤，胜瓜难得完全无泥味而爽脆，火候啱啱好。卤水狮头鹅片$105打冷嘅ICON,亦可以见到餐馆嘅功力。师傅刀工了得，鹅片切得只有5mm,入味无渣，鹅肉少肥，卤水汁浓郁，而且份量够，仲有豆腐花生跟上，送潮州粥一流。👍👍今生无悔白果芋泥(4人份)$68见到个名已经非常好奇，唔食对唔住自己啦。顾名思义就系将芋头隔水蒸熟碾成芋泥，加糖煮开摊冻，加已煠熟去芯嘅白果同油泡过嘅葱花，芋泥入口微甜，软熟，白果微
天口冻，莫明其妙好想食打冷，虽然香港地周围都食到潮州嘢，但往往徒具其形，为免贴钱买难受，山长水远都要嚟生昌。
盐焗元朗乌头$108
呢条鱼系镇店之宝，好多人包括我都系为咗佢先咁神心嚟帮衬。老板不惜高价用元朗养嘅乌头，每条鱼尾都附有相关认证标签。乌头肉质鲜甜嫩滑无泥味，鱼身油脂充足，用粗盐焗完就见到一层黄油喺皮与肉之间，淡淡盐香再配普宁豆酱，鱼鲜功夫足，简简单单，一试难忘。
蚝饼$88
坊间蚝饼为求悭成本悭功夫(或功夫唔够)，多数会将蚝饼煎得平薄，但一夹即散。生昌蚝饭厚身之余不失松化，新鲜蚝肉夹杂软糯蛋香饼底，外脆内软，蘸上鱼露同胡椒粉，微酸带甜，食多都唔觉滞。
上汤浸胜瓜$78
用鲜鱼熬汤底，胜瓜完全吸收晒鱼汤，胜瓜难得完全无泥味而爽脆，火候啱啱好。
卤水狮头鹅片$105
打冷嘅ICON,亦可以见到餐馆嘅功力。师傅刀工了得，鹅片切得只有5mm,入味无渣，鹅肉少肥，卤水汁浓郁，而且份量够，仲有豆腐花生跟上，送潮州粥一流。👍👍
今生无悔白果芋泥(4人份)$68
见到个名已经非常好奇，唔食对唔住自己啦。顾名思义就系将芋头隔水蒸熟碾成芋泥，加糖煮开摊冻，加已煠熟去芯嘅白果同油泡过嘅葱花，芋泥入口微甜，软熟，白果微苦，咸嘅葱花反而增加芋泥嘅甜味，呢个咁得意嘅甜品，起码今晚无悔。
生昌做到咁出色嘅家乡菜，除咗老板深谙菜式做法味道外，仲要对烹调功夫同用料有坚持。只系一条盐焗乌头，已经系我再帮衬嘅理由。
题外话/补充资料：
今次帮衬完已非全免泊车费，只可以豁免$12
(以上食记乃用户个人意见 , 并不代表OpenRice之观点。)
张贴
