影片
更多
2019-12-17
2811 浏览
每次去都有一份感慨.....如果后生嘅时候努力读书入到皇仁，我嘅人生会唔会就此不一样呢? 😂 好多人话皇仁旧生会好难订枱，有啲甚至乎话要等4到5个月！咁你要限时，限刻，限日子食就梗系要等喇！等几个月系因为要肯定订到某日！讲真，订枱系难嘅，一间食肆全埸得六张枱，唔做散客只做一围10人以上，长期旺埸兼食过嘅人多数会返寻味。话唔难订就呃你嘅，但亦冇坊间讲到咁夸张。今次打去俾老板John哥问边日有枱，要梗房 (全场只得一间梗房，其他房间都系活动板间)就个半月，板间房就三星期有枱。食过皇仁旧生会嘅人冇五千都应该有四千九，随便上网揾吓都应该揾到一大堆相同埋一大堆饮食节目口吻嘅食评，瞪大眼，哗，好鲜味呀！果啲😂饮食系一个需要冒险探索嘅旅程，前人嘅经验可以参考，人哋话俾你听好食，你唔钟意，你就觉得中伏。我话俾你听唔好食，你信我，你就可能走宝！自己试过先系最真最实际。如果你问我，我可以话俾你听，皇仁旧生会系一间 “坚离地” 嘅食肆，坚离地咁好食得来劲贴地咁抵！成餐饭除咗柚皮生扣鹅掌嘅柚皮唔够入味同只炸子鸡唔够皮脆肉嫩之外，其他都绝对得！特别一提佛跳墙上枱，咪剩系识争住食鲍鱼同翅，佢只火瞳先系宝！火瞳系金
好多人话皇仁旧生会好难订枱，有啲甚至乎话要等4到5个月！咁你要限时，限刻，限日子食就梗系要等喇！等几个月系因为要肯定订到某日！讲真，订枱系难嘅，一间食肆全埸得六张枱，唔做散客只做一围10人以上，长期旺埸兼食过嘅人多数会返寻味。话唔难订就呃你嘅，但亦冇坊间讲到咁夸张。今次打去俾老板John哥问边日有枱，要梗房 (全场只得一间梗房，其他房间都系活动板间)就个半月，板间房就三星期有枱。
食过皇仁旧生会嘅人冇五千都应该有四千九，随便上网揾吓都应该揾到一大堆相同埋一大堆饮食节目口吻嘅食评，瞪大眼，哗，好鲜味呀！果啲😂
饮食系一个需要冒险探索嘅旅程，前人嘅经验可以参考，人哋话俾你听好食，你唔钟意，你就觉得中伏。我话俾你听唔好食，你信我，你就可能走宝！自己试过先系最真最实际。
如果你问我，我可以话俾你听，皇仁旧生会系一间 “坚离地” 嘅食肆，坚离地咁好食得来劲贴地咁抵！成餐饭除咗柚皮生扣鹅掌嘅柚皮唔够入味同只炸子鸡唔够皮脆肉嫩之外，其他都绝对得！
特别一提佛跳墙上枱，咪剩系识争住食鲍鱼同翅，佢只火瞳先系宝！火瞳系金华火腿连接大腿同臀部约七八吋多嘅部位，肉质甘香松化软滑 ， 而其前后左右位置叫火腿，食落会起渣。火瞳块皮配红酒，一绝！钟意食羊腩煲嘅一定要试吓佢个加埋羊杂嘅版本，又系另一绝！水果盆西瓜配梅粉，台湾流行食法，未试过可能觉得特别。
梗房最低消费16位，我哋9个人加上佢坚离地咁足份量，大家可以想像到又食又拎嘅景象😝
今晚菜单如下：
糖桂花饯美国桶蚝
原只鲍鱼佛跳墙
柚皮生扣鹅掌
椒盐陈皮中虾
大海斑两味 (云耳腿蓉蒸斑球 / 姜葱煎焗头腩)
羊腩煲
脆皮炸子鸡
生炒腊味糯米饭
虾子杂菌伊面
腰果露汤圆
合时生果盆
张贴