Outdark (飛達商業中心)

营业中

休息中

突然想食炸鸡啤酒🍻呢间都几好食，而且晚餐时间就算冇book位都容易有位，亦都好钟意呢度嘅气氛好适合倾偈拍拖👍一坐低，立即叫咗杯透心凉啤酒，炸鸡大概有六款选择，最钟意食嘅味道始终系蒜蓉蜜糖味，今次双拼酱油试吓。呢度嘅炸鸡好大碟，铺满一个大碟，堆起成座山咁高，睇见都开心！除咗炸鸡块之外，仲有脆格薯条🍟配上粗薯条仲有番薯，我觉得比起就咁食炸鸡要开心好多！炸鸡🍗次次来都keep到水准👍炸到个皮好脆卜卜，一咬开仲蒸气腾腾，就算唔系鸡髀位置肉质都好嫩滑，仲有肉汁😍配番杯啤酒就唔洗怕热气，倒转啤酒会有果汁冰底，饮落无咁苦，阵阵蜜桃果味，好饮又清凉！