影片
更多
2022-01-25
1939 浏览
多年前光顾 Mr Steak 的 Dinner Buffet，甚多野食，虽然价钱不便宜，但绝对觉得顺气；殊不知今天卷土重来，转食 Lunch Buffet，却差得要命！当中无野食嘅程度，去到我系要食 d 平时唔会食嘅野填饱个肚！你话系咪恐怖？首先要讲自己衰贪小便宜，同埋信网上果 d 鳝稿传媒，才会上这个大当！因为见到最近有 d 来自果两间本地传媒嘅「饮食优惠」，话只需$290，仲有7折，两个人落楼$522，就可以用 Lunch Buffet嘅价钱，食到 Dinner Buffet嘅水准，又生蚝、又龙虾、又和牛铁板烧，自己自然即刻 book 位去食啦！首先我订咗2位，收到佢嘅 confirmation，都系话2位；去到现场𠮶时，接待处𠮶位小姐问我系咪3位？佢话只订咗2位，佢唔信，只系话「你依家改2位啦即系」，好似我讲大话咁？！不过呢啲都系小事。跟住坐低，可能因为以为我系「3位」，所以只系有张位置一般嘅台，而唔系卡位，咁都算喇！最失望嘅，系我第一时间冲出去海鲜果栏，想攞生蚝食，点知……系无生蚝嘅！当然亦无龙虾，只有长脚蟹脚、青口、虾、蚬等；连最基本嘅翡翠螺都冇？！长脚蟹脚本人唔好，所以无食
首先要讲自己衰贪小便宜，同埋信网上果 d 鳝稿传媒，才会上这个大当！因为见到最近有 d 来自果两间本地传媒嘅「饮食优惠」，话只需$290，仲有7折，两个人落楼$522，就可以用 Lunch Buffet嘅价钱，食到 Dinner Buffet嘅水准，又生蚝、又龙虾、又和牛铁板烧，自己自然即刻 book 位去食啦！
首先我订咗2位，收到佢嘅 confirmation，都系话2位；去到现场𠮶时，接待处𠮶位小姐问我系咪3位？佢话只订咗2位，佢唔信，只系话「你依家改2位啦即系」，好似我讲大话咁？！不过呢啲都系小事。
跟住坐低，可能因为以为我系「3位」，所以只系有张位置一般嘅台，而唔系卡位，咁都算喇！最失望嘅，系我第一时间冲出去海鲜果栏，想攞生蚝食，点知……系无生蚝嘅！当然亦无龙虾，只有长脚蟹脚、青口、虾、蚬等；连最基本嘅翡翠螺都冇？！长脚蟹脚本人唔好，所以无食，唔知味道点；而青口我素来食buffet都唔会攞嚟食，今次食咗5只，就知几咁无野食啦！不过平心而论，d 青口系 OK 嘅！
之后扑去和牛果边，发现只有「SRF极黑牛寿喜烧」，系无传说中嘅和牛铁板烧！开始感觉中伏了，之后高速兜咗个圈，发现真系无乜野食！唔好话炖汤，连最基本嘅西汤都欠奉，只有一个好似茶记例水嘅中式汤！我饮咗一碗就算！
而「SRF极黑牛寿喜烧」，我食咗2份，味道都系正常𠮶只。
最后，我食得最多嘅系即场煮嘅生滚粥，因为 d 料都算 OK，足足饮咗3碗！就可想而知呢个场有几多几野呢？！
至于热盘，味道、款式还可以啦；但连最基本嘅烧味都无，真奇怪？而刺身都新鲜好味嘅，但想食刺身点解我唔去食日式放题？跟住甜品就普普通通，唯一值得赞，系可以写低心意卡，甜品师傅会唧落只碟度，然后整个心太软上去，味道正常，但起码叫做有 d 心思。
仲有一样不满，就系无乜野饮，咖啡机都要排队；2点半完场，但2点过 d，连热水都唔供应，想冲杯茶都唔得？！还有那个雪糕又系伏，大大只字写住「Kit Kat」，我心谂乜「Kit Kat」有出雪糕咁有趣？于是叫咗椰子、绿茶，同香芋3只味，除咗香芋正常之外，绿茶淡到爆，椰子直头得个死甜！之后睇清楚，原来「Kit Kat」系指洒落雪糕上面的朱古力满天星？！可恶！
结论：呢个 Lunch Buffet 性价比严重的低，绝不推介！$261一个人，可以食得更好的朋友！
心太软
19 浏览
0 赞好
0 留言
张贴
