根

营业中

休息中

首先讲环境好靓，楼底高，中庭一棵大树，中间被装住木段吧玻璃展台围住。墙面挂住整幅几米高嘅翠绿树脂艺术画，先声夺人。Cashier 枱面都系木同树脂艺术，碧玉似海，木似大地，意境一流。餐厅最重要嘅梗系食物质素，食物都一样出色。今次试咗推荐嘅烧鸡，饮品点咗午夜抹茶，甜品试咗树皮柚子挞同推荐嘅苔玉。-午夜抺茶上层冰&抹茶下层咁靓嘅云中山水系Double espresso &奶&竹炭，甜度、咖啡味、抺茶味都啱啱好，谐协至极。-辣蒜烧鸡鸡肉惹味juicy, 鸡皮唔系脆𠮶种但都好食，薯条唔知点形容，有啲似薯角，但系好食嘅，沙律淋咗果醋。朋友唔食辣表示辣度适中。-甜品一流苔玉：外层绿色碎碎其实系朱古力蛋糕，入面一层啡色朱古力慕丝，再入面再一层粉红色慕丝。朱古力味浓，甜度啱啱好、又有层次。树皮柚子挞非常清新，中间有麻糬，上面嘅朱古力薄脆有柑橘（定柚子）味，好有诚意。同埋不得不赞餐具都好靓，瓷碟只只都唔同样。唔多讲，睇图就明。比较可惜系地方细咗啲，大枱唔多，想约埋一大班朋友一齐食点坐就有啲尴尬。