茶記冰室 (已結業)

有日叫咗个下午茶餐吉列猪扒伴沙律外卖。点知打开见到块猪扒俾人切咗一大忽！！即刻打电话俾佢地，问系咪搞错咗？系咪有客食过退返俾佢，但佢再攞出嚟当外卖俾我？！佢坚持话唔系，冇人食过。我问咁点解俾人切走咗一大忽？听电话个女人话可能系厨师觉得块猪扒太大，所以要切走一忽！！咁嘅解释仲离谱！！唔通炸咗只鸡髀出嚟觉得佢大只又会切走一忽？！未见过啰！其实就咁睇块猪扒冇咗一忽系比一般细块d，咁又如何解释？根本就系狡辩！后来个女人同意退款，不过第日当我去退款嘅时候，佢块面黑到呢…..