台灣麵

营业中

休息中

接完个女放补习，佢话有啲肚饿...所以周围行吓，睇吓边间餐厅冇咁多人，而家疫情期间～其实间间餐厅都依然系爆棚，只不过睇吓边间冇坐得咁密啫⋯⋯有啲离谱到整块隔板，但同对面𠮶个食客面对面距离唔够30cm！😖喺元朗兜咗一大个圈终于经过台湾面，呢间餐厅不嬲都出名多卡位，见冇乜人所以入咗去起码安全啲！😊嗌咗个炸鸡髀沙律，猪扒包同珍珠奶茶！珍珠奶茶冇奶茶味，珍珠劲甜，可以话系一杯奶水。炸鸡髀好细只同埋冇味，上面加佐劲多椒盐，不过比我铲走晒！😅沙律好难食，大部份系薯仔，有几粒青瓜同埋红萝卜！猪扒包最正常，包皮都脆，猪扒OK！如果好肚饿，又想揾安全距离食饱个肚嘅话都可以考虑！但性价比唔高啰！$38食一只咁嘅质素嘅鸡髀！🙈