文輝墨魚丸大王

营业中

休息中

好多时我地觉得食物好味，都系同情意结有关，如妈妈煮既𩠌往往会觉得系世上最好味既。不过呢间粉面档，佢既好味唔单止系因为对佢有情意结，而系佢既墨丸真系坚好味呀！所讲既系铜锣湾渣甸街文辉。无错，又系读书𠮶阵...(冇计啦！喺铜锣湾番学，放学又唔愿番屋企，喺铜锣湾食野食到有感情系好易让人理解的...)间中跟同学嚟开餐，好多时系补课后，话明墨鱼丸大王，嚟亲梗系会食墨丸啦！今日旧地重游，心瘾起便嚟文辉食紫菜墨丸河，落单后不久就端上，看似其貌不扬，实则宝物寻归底，一碗墨丸河有5粒墨丸，有啲地方得四粒，如果双拼仲得三粒咋！墨丸爽口弹牙，有墨鱼粒，唔会腥，又冇加我至憎既马蹄，食得出足料冇沟粉，紫菜冇碴，河粉份量适中，唔会一夹就断。系个汤淡啲，应叫佢加腩汁呀！不过潮州辣椒油好味，可以帮淡味汤提味。所以话，虽然唔多唔少对铜锣湾食肆系有点情儿结，但这里既墨丸真系我食过既最好，冇呃你架！个个都点这个咁滞，或贪心啲点紫菜四宝河(都有墨丸)。总之，我始终认为墨丸，都系文辉既好！