Andy's Garage (已結業)

同朋友入左天后影相，谂住食啲唔同啲既野，入夜之后，同佢入左黎美食聚集地－大坑 呢到揾食，不过大部份价钱偏贵，所以都睇左段时间，最后同佢黎到呢间食～门面好特别，有个大大既车头系门牌位置，望落去环境唔大，但布置方面都几有心思。里面仲有植物墙做背景，等大家食得放发，不过位置之间就比较狭窄。MENU 有图作参考，但唔算多，第一次食墨西哥菜既朋友就拣得特别慢XD 蒜蓉包，估唔到件数几多，蒜蓉包热辣辣又脆口，食落去带阵阵蒜香，而且包既本身带有少少奶香味～宝鸡翼，外型有啲似水牛城鸡翼，以墨西哥汁腌制，食落去带酸辣味，鸡肉嫩滑带少少肉汁，配上SOUR CREAM，令味道冇咁辣之余，仲可以减轻油腻感。Garage Chicken Salad，鸡胸肉再配上生菜，面头有芝士粉同沙律酱，生菜食起黎清脆爽口，鸡胸肉作中和调味，令成个沙律冇咁寡，沙律酱非酸甜次类，所以食起上黎好健康。