Papa Joe (已結業)

去诺士佛台晚餐，同友人去了1号揾食，见呢间有得食墨西哥菜，几吸引。由前菜到甜品都有好多选择，特别在墨西哥菜式都有唔少，可以试新野！呢个5 courses好丰富，都有唔少选择。我地点左一个5 courses set dinner，一个沙律同一个墨西哥鸡肉芝士薄饼。每枱都有脆片食，个酱有啲辣，不过好开胃，脆片点酱先好食，唔系味道就有点寡。饮品方面点左红莓汁同橙汁，两样都唔系好甜。藜麦沙律 - 好健康，感觉食完会瘦。冇dressing，用左生果黎调味，分别系芒果、橙、红石榴同蜜瓜，好甜好fresh！藜麦同啲配料捞匀易入口好多。是日餐汤系蘑菇汤，搅拌过嘅蘑菇好香，田园风味。最正系个餐有两只蚝同sparkling wine，生蚝好鲜甜，加左柠檬汁同醋，好醒胃。Rib eye点左五成熟，好香牛味，唔会好韧。薯蓉好滑好香牛油味，creamy到可以就咁吞。好钟意呢个鸡肉芝士薄饼，个馅好丰富，有三色椒、菇、鸡肉同芝士，全部都好惹味！可以点牛油果酱、sour cream同莎莎酱，仲好食！跟餐甜品有柠檬cheese cake， 不过都几酸，同埋麻麻地啲jam。