大方食家

营业中

休息中

之前有网友推介大埔大方食家嘅墨鱼丸，我就上网搜寻一下相关资料，都标榜手打墨鱼丸系冇加猪肉冇加粉，网上嘅评价都非常高。所以今日趁放假专登揸车去食，点知食落去有粉有肥猪油(好明显)，只系一粒街市买到嘅墨鱼丸，好失望。再上网search一下，对比下发觉粒墨鱼丸嘅外型都好似唔同。及后先得知原来系师傅唔得闲整墨鱼丸，所以d墨鱼丸系攞货返嚟😨。乜咁都得架咩？我专登花咗几十蚊车钱同半日时间(之前仲成晚上网search)，满心期望去揾佢，换嚟五粒肥猪肉街市墨丸，仲要同样收我$38。讲真，如果师傅真系唔得闲整墨鱼丸，又想做生意，系咪都应该有诚意d买返d手打墨鱼丸俾客人？又或者通知一下客人？我唔会再去了，因为我唔会知师傅几时有mood整，几时冇mood整。好失望！奉劝大家落单前问一声"今日系咪师傅手打墨鱼丸……"唯一值得赞，系杯红枣豆浆几好饮。