大紅袍火鍋料理 (已結業)

同朋友已食过好多次大红袍，一向觉得唔差，今晚去食，叫咗木瓜鸡脚汤底、安格斯牛、虾丸、松露蟹肉饺、牛脷粒、蚝、响聆、鱼皮、墨鱼滑、西洋菜、西班牙猪、三文鱼刺身等等。。。其实食过咁多次，对味道基本上也不用怀疑，亦唔会期望有咩惊喜，但席间朋友话食得出墨鱼滑变酸，我试咗一粒，放入口咬咗一啖都食到酸味，即吐出嚟，然后通知店员。。。有位着便服嘅店员走埋嚟，冇即刻取消墨鱼滑，叫我哋俾一粒佢试，试完嘅回应系「唔系酸，系你哋食唔惯哩d味，我哋今日卖咗二十几个都冇事！」随即攞走碟墨鱼滑，叫我哋换过第二样嘢，我就话，碟墨鱼滑有问题，系要取消唔系换，便服店员至话帮我哋取消！店员唔承认碟墨鱼滑有问题，我同友人喺席间继续讨论，都唔知咩叫「食唔惯」，亦唔知墨鱼滑落咗咩会有店员觉得「唔系酸」嘅酸味！𠮶个店员又走过嚟辩护，话因为我哋叫木瓜汤底，所以墨鱼滑有咁嘅味。。。 我哋经常出街打边炉，料新唔新鲜食落口就知啦！同一个汤底食虾丸、饺、肉等等嘅食物都冇酸味，净饮两啖汤都唔觉得酸。但店员连一碟墨鱼滑酸咗都唔认，仲要同我哋拗！！其实简单d取消咗碟有问题嘅墨鱼滑，我哋都唔会太介意，但错就要认，不要当顾客是傻的！！！