大紅袍火鍋料理 (已結業)

今日打電話去book8位，但係係5位大人3位小朋友，去到有個老女人就安排咗間房俾我哋坐，之後我哋叫咗個鴛鴦湯底，佢已經話你哋坐房最好叫貴啲價錢，因為坐房有最低消費，我哋話可以坐出面，因為有3個小朋友都食唔到咁多，佢話你哋盡量叫，我哋亦好客氣話ok，寫完菜單，個老女人睇完就話早知就唔安排房俾你哋坐，講咗3次，我哋先發火，第一我哋冇要求坐房，第二客人食乜嘢有自己喜好，第三你係迫緊人哋一定要食夠你房間價錢，仲要睇你面色，又冷言冷語，我來開心食餐飯唔係來怒氣，食咗1個鐘即走，今晚張單$1800幾，絕對唔會在去受罪

新曆年前約咗幾個朋友一齊打邊爐，我哋去開尖沙咀嗰間大紅袍，貪嗰度近公司放工方便，今日嚟試吓北角店，大紅袍食物一向唔錯，基本上求其叫都唔會伏，但係北角店服務質素就同尖沙咀店爭好遠，夥計態度認真麻麻地，第二次問佢攞芫荽居然仲話俾我哋聽冇，但係人哋嗰張枱就有，啲聲氣亦都好差下，點解同一間公司，啲服務可以差咁遠，真係好難理解，尖沙咀嗰邊啲人Nice好多，冇質素好九條街，以後都係過返嗰邊食，唔使俾錢仲要受人氣。

我哋幾個小女人，一有人生日，必來呢度小聚小聚☺️👍🏻呢度食物品質佳，必叫老火雞煲，雞味濃料又足……，仲有服務好，尤其係經理☺️☺️👍🏻比like😀👍🏻

今日同女朋友行街，行到咁上下，肚仔差唔多餓喇，就諗住是但搵一間打邊爐，就求其入咗呢間嘢。入到去嗌嘢食，職員唔知係未瞓醒定係魂魄唔齊，嗌咗幾聲都冇反應，舉手舉到隻手都攰都冇人見到，於是我放棄，我等到有職員行近我附近我先再揮手。到嘢食方面啦，材料幾新鮮嘅，但價錢有啲略貴。可能揮手揮到有啲攰，已經影響晒心情食物，求其嗌左幾個火鍋嘢食，就急急腳走。食嘅時候見到其他台嘅客人都係要等好耐，我覺得呢間餐廳雖然好多客人，但係可能要請多啲人手先可以令個速度快啲。

服務態度非常差，侍應隨意指責客人，十分沒有禮貌，進門時電動門按鈕不靈敏，一度打不開門，侍應在裡面開後很不耐煩，嘴裡碎碎念，好像門打不開是我們的錯😓從進門開始就讓人十分不舒服⋯點菜時候態度也很差，鍋底也上錯，店內環境一般，店裡一股樟腦丸的味道，吃飯的時候還有蒼蠅在菜上面。點了胡椒豬肚雞和重慶麻辣的鴛鴦，豬肚雞還可以，重慶麻辣味道很不正宗，裡面殘渣過多。牛肉不是很嫩，而且很碎。鵝腸感覺不是新鮮的，有一種奇怪的味道。總體味道只能說一般，沖這服務態度也不會再去。

唔好搞錯打邊爐係大紅袍 飲茶係小紅袍都係同一條街而家d酒樓都差唔多執唒正好小紅袍就出現左雖然店舖細細間 唔係o係大街唔太顯眼但點心都好用心做即叫即蒸 用心製作好少地方有得叫咖哩魷魚呢度都有灌湯餃同其他酒樓做法唔同呢度係蒸一大隻餃 d湯包o係入面好特別 可能呢個先係正宗做法？ 下次求證下先最鐘意食係流心奶皇煎堆原來奶皇同煎堆係好夾ga為左呢個煎堆我之後都會再黎飲茶其他各樣點心都唔錯 價錢亦比酒樓平少少

本身睇open rice 嘅平價十分滿意，所以就特意過嚟試， 我本身都做飲食業，我明白得兩個人做錦多位係好繁忙，但唔係大聲吆喝客人，仲要將人地飲完嘅水樽放係個火鍋調味品上面之後拎到去我張枱上，一啲都唔衛生。 湯底我地叫左沙嗲同木瓜雪耳雞腳，木瓜雪耳雞腳嘅湯底係好多料不過一啲味都無，雖然有部份材料係新鮮，但…..再可以食嘅餐廳，如果服務態度唔好，我係一定唔會推薦俾任何朋友。我想同佢地講就算佢地有幾多熟客都好，我相信你個女經理一走，佢地係唔會回頭。

今次試左枝竹魚頭湯底， 因為媽媽鍾意食魚頭， 又有枝竹， 情價比👍🏻。每次必點的安格斯肥牛之外， 牛肉又重牛味， 又香又滑😋，西班牙豬同羊肉都好出色，雙蚌好鮮甜。第一次叫手打芝士墨魚丸， 味道出奇咁夾。自家制的3色餃子， 自己最鍾意韭菜餃。今次仲叫左黃喉， 食落爽口， 本身無乜味， 就要靠湯底/自己整嘅混醬😆。因為有人遲到， 所以叫左個椒鹽豆腐， 外脆內軟， 仲要即叫即炸😍 …. 送酒一流。 冷氣強勁， 未開爐之前真係要着返件外套。打著住邊鍋，温度就啱啱好啦！ 食到超飽， 慢慢行返條斜路去搭車，就啱啱好！價錢同旺角上樓的火鍋差唔多， 勝左冷氣強， 坐得舒服😄

至從疫情爆發到而家，打邊爐比人感覺係好危險既群體活動.....所以一直都忍住，忍住！直到香港連續幾日數字回落，先放心去食！打邊爐最緊要食材款式多，湯底多選擇，材料新鮮，湯底夠味，咁就無得輸💯💯💯⭐️湯底..鴛鴦鍋（麻辣+椰子雞）美食推薦👍🏻👍🏻⭐️牛就一定唔少得👍🏻👍🏻薄薄一塊，牛肉味濃⭐️美國桶蠔勁大粒，勁鮮美，勁抵食，有6 隻😍😍😍⭐️響鈴即叫即炸，脆卜卜⭐️珊瑚⭐️墨魚芝士丸，超級好味😋員工服務一流，落單快💯💯💯

星期五晚去到，入座率都超過8-9成，好在有訂枱，四個人都唔使$900 ，以呢個食物質素，算係幾抵下金屋藏嬌 $218 呢個鍋底好有驚喜，真材實料，除咗半隻雞，仲有冬瓜、花膠、紅棗、杞子.........，湯味濃郁，啲雞又嫩滑，真係超正！花雕肥牛 $108 啲肥牛浸住啲花雕，食起上嚟，有陣陣花雕香味，幾正！西班牙豬肉 $85啲豬肉夠滑好味，只不過啲份量略嫌少咗啲三拼餃 $132啲餃子餡料十足，味道唔錯，似係自家製的紫菜響鈴 $58呢款響鈴都係第一次食，加咗紫菜香好多， 好值得推介，必吃鴨血 $58鴨血夠滑，冇腥味，分量多啲就更好冰豆腐 $38呢款豆腐有少少似百葉豆腐，吸咗啲湯幾好味蔗汁 (免費) 一坐低，侍應就送咗呢樽蔗汁，冰凍少甜，解熱解暑

我同朋友特登新年前聚一聚，二選一本來想去另外一間新開嘅結果揀咗呢間去完之後真係好後悔返到嚟上網睇返啲食評先至質素咁差啲食評寫得好好啊物非所值服務很差（男的橋埋對手一啲都唔醒目明知客人食嘢要遞上tissue只在場內看電視)(女的黑口黑面）先叫一個胡椒豬肚雞鍋做湯底然後打算叫啤酒但menu上面看似有很多選擇但原來侍應跟我們講只得生力、生力清啤同麒麟那我就跟侍應說你這酒牌的其它選擇呢？他說長期都冇貨了！那麼你餐廳就是誤導消費者了，長期冇貨你應該改餐牌或者刪除佢點了雞子鵝腸手打四寶丸同頂級手切肥牛及紫菜響鈴，食物上枱很快賣相尚算可以唯獨是肥牛一點牛嘅鮮味都沒有有點失望不值這個價錢。另外紫菜響鈴只係油一D都唔脆請問廚房知唔知道什麼是響鈴的製作呢？三個侍應服務態度非常Hea今時今日咁多競爭而且我不是叫任食火鍋，老闆你這樣的標準你需要正視一下這個問題！我哋坐到九點第一輪嘅客已經差不多賣了單但是只有兩台繼續有新客人，晚市只做到七點頭一輪客9:30後就已經沒有客人可想言之他的質素有幾好作為老闆嘅你請你要好好正視這個問題，消費者的錢不是這樣花在一些無心無質素的餐廳上，或者你只可以騙到一次性嘅顧客將來一定冇

一向都有去開大紅袍打邊爐因為覺得佢性價比高，打邊爐嘅料靚份量夠！不過同朋友多數都係去尖沙咀分店北角分店都係第一次去因為我哋去到嘅時候時間都尚早加埋我哋都係得三台客但係啲店員就企晒喺度冇乜招呼心知我哋嗌野嘅時候佢哋都好似唔係好想應我哋咁所以我諗下次都係去返尖沙咀分店了

朋友曾到大紅袍食晚餐，表示湯底和材料一流，我們便決定約在這裏聚會。我們點了店舖推介的金屋藏嬌湯底，湯底有冬瓜，半隻雞，蟲草花和蔬菜，用料十足，湯頭亦十分鮮味，喝下去是陣陣雞湯，吃完後沒有口渴的感覺。 手打四寶丸非常爽口彈牙，個人覺得豬肉丸最好吃，丸類沒有太多調味，吃到原材料的新鮮。我們還點了鬼馬蝦膠，是將蝦膠釀入油炸鬼，面層鋪上蟹籽， 口感豐富，脆口彈牙。而響鈴加上紫菜更為香口，另外我們還點了手工餃和薯粉也是水準之上。最後烏梅汁及竹蔗茅根也很清甜，值得一試。本來看到食評，提及店家服務態度惡劣，所以也有心理準備，但由點餐，上菜，享用過程，店員也細心留意我們需要，知我們想影相便舖好菜式，也主動問是否需要加湯，那種貼心令我有點不好意思，是意料之外的體驗。

朋友想下班後一起打邊爐，於是上openrice 尋找北角火鍋店，有見呢間評分較高，著朋友一起試試。我們點了藥膳醉雞鍋，另外再叫了墨魚滑、例牌鮮牛肉、皇帝菜，後來還追加了8隻廣島蠔。雞肉味道OK，肉質嫩滑。墨魚滑爽口，但沒墨魚味。牛肉有鮮味，但肉質較韌。廣島蠔沒有特別評價。食物質素一般般，但埋單二人要$740，略嫌貴啊...不算是物有所值呢⋯⋯

預約八點半準時到達， 店內侍應得兩人，忙於執枱， 約8時 40分入座 訂5位，只係比一張四人枱，加一張圓櫈， 冇預計要直立式坐姿打邊爐兩個鐘頭😟😤 問佢有冇大啲枱， 佢話冇，仲話剛剛有人都係咁問佢， 佢叫人下次先再嚟，寸到爆😖😒， 侍應態度極差， 坐下點餐， 一早已電话預訂金屋藏嬌湯底，零溝通， 待應完全唔知咩一回事， 湯底上枱冬瓜一大嚿 煲極都唔冧， 蟲草花少許， 竹笙一片大量大蒜 雞半隻似燒春雞size，未斬件 🤣，滾約20分鐘仍未滾起，亦冇人理你 ，問佢佢話唔好搞，一陣會有人埋嚟整 ，如食頭輪，根本不夠時間🤨， 叫了花雕牛肉、 黑毛豬 、羊肉 、 豬腩肉 、四寶丸、 三色餃、 鴨血 、花雕醉雞、 鵝腸、 脆肉鯇 、沒有一樣特別好 、只有脆肉鯇算合格 ， 其中四寶丸的豬肉丸有點怪味 ，告訴待應，佢話補返兩粒墨丸 🙄其他食材跟太子店 水準差一大截， 全店只得三名員工，一個負責落單，兩個負責執枱送餐， 根本唔夠人手， 態度極差， 跟上次在 太子店差太遠了， 有仲伏感覺，一定不會有下次！😤